பீஸ்ட் படம் வருகிற 13-ஆம் தேதி வெளியாக உள்ள நிலையில், இது தொடர்பாக தனியார் பத்திரிக்கை ஒன்றிற்கு பேட்டியளித்த அப்படத்தின் இயக்குநர் நெல்சன் திலீப் குமார், “அப்பாவால் தான் இந்தத்துறைக்குள் வந்தேன். அவர் ஒரு கட்டத்தில் உடல்நிலைசரியில்லாமல் படுத்த படுக்கையாகிவிட்டார். அதனால் என்னையும் பார்த்துக்கொண்டு குடும்பத்தையும் பார்த்துக்கொள்ளவேண்டிய கட்டாயத்திற்கு தள்ளப்பட்டேன். இந்த நிலைமை எதிர்காலத்தில் மறுபடியும் என் குடும்பத்திற்கு வரக்கூடாது என்று முடிவு செய்தேன்.
குடும்பத்தின் சந்தோஷம்தான் முக்கியம்
அதற்கு என்ன செய்ய வேண்டும் என்று யோசித்து ஒவ்வொரு ஸ்டெப்பையும் எடுத்து வைத்தேன். அப்படித்தான் டிவி அதனின் அடுத்தக்கட்டமான சினிமா என்று பயணித்தேன். என்னை பொறுத்தவரை என் குடும்பம் கடைசிவரை சந்தோஷமாக இருக்க வேண்டும். அப்படித்து யோசித்துதான் இந்தத்துறைக்குள் வந்தேன்.” என்று பேசியிருந்தார். இந்த நேர்காணல் பேப்பர் கட்டிங்கை தனது இன்ஸ்டாகிராம் ஸ்டோரி பக்கத்தில் கவின் பதிவிட்டு இருக்கிறார். இந்தப் பதிவு தற்போது சமூக வலைதளங்களில் வைரலாகி வருகிறது.
தமிழ் திரையுலகின் முன்னணி நடிகர் விஜய். மாஸ்டர் படத்தின் வெற்றிக்கு பிறகு நடிகர் விஜய், இயக்குனர் நெல்சன் இயக்கத்தில் பீஸ்ட் (Beast) படத்தில் நடித்துள்ளார். பீஸ்ட் படம் வரும் ஏப்ரல் மாதம் 13-ம் தேதி வெளியாக உள்ளது. திரையரங்குகளில் காண ரசிகர்கள் காத்திருக்கின்றனர். படத்தின் ப்ரொமோஷன் வேலைகளில் ஒரு பகுதியாக, முதல் பாடல் கடந்த மாதம் 14-ம் தேதி காதலர் தினத்தை முன்னிட்டு வெளியிடப்பட்டது.
பீஸ்ட் ட்ரெய்லர் வெளியீடு
சிவகார்த்திகேயன் பாடல் வரிகள் எழுதி அனிருத் இசையமைத்துள்ள அரபிக்குத்து பாடல் பல மில்லியன் பார்வையாளர்களை கடந்து ஹிட் அடித்து இருக்கிறது. இந்நிலையில், படத்தின் புதிய போஸ்டர் வெளியாகி பட்டையைக் கிளப்பியது. அதனைத்தொடர்ந்து இன்று பீஸ்ட் ட்ரெய்லர் வெளியாகும் என படக்குழு அறிவித்தது. அதன்படி இன்று மாலை 6 மணிக்கு பீஸ்ட் ட்ரெய்லர் வெளியாக உள்ளது.