நாட்டில் கொலை, கொள்ளை, தற்கொலைகள், பாலியல் வன்கொடுமை போன்ற செய்திகள் தினமும் வருவது அதிகரித்துக் கொண்டேதான் இருக்கிறது. டிவியை பார்த்தாலும், தினசரி பேப்பரை திறந்தாலும் இந்த செய்திகளே அதிகம் உள்ளன. பொதுமக்களும், எதிர்மறையான செய்திகளை தினமும் படித்து வருவதால் அவர்களுக்குள்ளும் ஒருவித பயமும், அதிர்ச்சியும் ஏற்படுகிறது. இந்த செய்திகளுக்கு இடையே, தற்போது தொழில் நுட்பத்தின் வளர்ச்சியால், மூன்றாவது கண் என்று கூறப்படும் கேமராவால், பல்வேறு சுவாரஸ்யமான, அதிர்ச்சிகரமான சம்பவத்தின் காட்சிகளும் கிராம் முதல் நகரம் வரை உள்ள மக்களுக்கு உடனே தெரிந்து விடுகிறது. இதில், சுவாரஸ்யமான வீடியோக்கள் பல சமூகவலைதளங்களில் வைரலாகி, உலகத்தின் எந்த மூலைகளில் இருக்கும் மனிதர்களுக்கும் சென்று சேர்ந்து விடுகிறது.
குறிப்பாக பிரபலங்கள் வெளியிடும் வீடியோக்கள் பெருமளவில் வரவேற்பை பெற்று கூடுதல் கவனம் பெறுகின்றன. அவர்கள் செய்யும் குறும்பு தனமான வீடியோக்கள் ரசிகர்களை கவரும் வகையில் இருப்பதால் அது வேகமாக பரவி வைரலாகிறது. அத்துடன் சர்ச்சையை ஏற்படுத்தும் விதமான வீடியோக்களும் வெளியிட்டு பிரபலங்கள் சிக்கலில் மாட்டிக்கொள்கின்றனர். அந்த வகையில், பீஸ்ட பட நடிகை பூஜா ஹெக்டேவின் வீடியோ ஒன்று சமூகவலைதளங்களில் வைரலாகி பலரின் கண்டங்களுக்கு ஆளாகியுள்ளது. அந்த வீடியோவில், உயர்தர ரகம் கொண்ட மதுவில் அவர் ஏதோ ஒன்று மிக்ஸ் செய்வது போல் இருக்கிறது. அதன் பிறகு, டான்ஸ் ஆடும், பூஜா கடைசியாக பறக்கும் முத்தத்தை பறக்கவிடுகிறார். இதற்கு பலரும் எதிர்ப்பு தெரிவித்து வருகின்றனர். முன்னதாக, நடிகை காஜல் அகர்வால், ஹான்சிகா ஆகியோர் இன்ஸ்டாகிராமில் மதுபானத்திற்கு விளம்பரம் செய்ததற்கு கண்டனங்கள் எழுந்தன.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்