Just In
Anushka Shetty | அனுஷ்காவிற்கு விரைவில் திருமணம் ! தெலுங்கு இயக்குநரை மணக்கிறரா?
பாகுபலி படத்தில் பிரபாஸுக்கு ஜோடியாக நடித்தார். அதன் பிறகு இருவரும் காதலித்து வருவதாகவும், விரைவில் திருமணம் செய்யப்போவதாகவும் கிசுகிசுக்கப்பட்டு வந்தது.
தமிழ் சினிமாவில் அஜித், விஜய், சூர்யா உள்ளிட்ட பல முன்னணி நடிகர்களுக்கு ஜோடியாக நடித்தவர் அனுஷ்கா. ஆந்திராவை பூர்வீகமாக கொண்ட அனுஷ்கா பாகுபலி படத்திற்கு பிறகு தெலுங்கு படங்களில் அதிக கவனம் செலுத்தி வருகிறார். 39 வயதாகும் அனுஷ்கா எப்போது திருமண செய்துகொள்ள போகிறார் என்ற கேள்விகள்தான் அவரை தொடர்ந்த வண்ணம் உள்ளன. பாகுபலி படத்தில் பிரபாஸுக்கு ஜோடியாக நடித்தார். அதன் பிறகு இருவரும் காதலித்து வருவதாகவும், விரைவில் திருமணம் செய்யப்போவதாகவும் கிசுகிசுக்கப்பட்டு வந்தது. அதன் பிறகு ஹைதராபாத்தை சேர்ந்த தொழில் அதிபர் ஒருவரை மணக்கப்போவதாக செய்திகள் வெளியான. பிறகு தென்னிந்திய அணி ரஞ்சி போட்டிகளில் விளையாடும் கிரிக்கெட் வீரர் ஒருவரை காதலிப்பதாகவும் தகவல் பரவியது. ஆனால் இதையெல்லாம் மறுத்த அனுஷ்கா ‘எனது திருமணம் முடிவானால் நானே உங்களிடம் தெரிவிக்கிறேன். யாரும் வதந்திகளை நம்ப வேண்டாம் ‘ என அன்பு கோரிக்கை விடுத்தார்.
அனுஷ்கா திருமணம் குறித்த பேச்சுக்கள் கடந்த சில வருடங்களாகவே சினிமா துறையில் வட்டமடித்துக் கொண்டிருக்கின்றன. என்னதான் திருமணம் போன்ற நிகழ்ச்சிகள் தனிப்பட்ட நபரின் விருப்பம் சார்ந்த ஒன்றாக இருந்தாலும் , தங்களின் கனவு நாயகிககளாக வலம் வந்த நடிகைகள் நிஜ வாழ்க்கையில் யாரை மணமுடிக்க போகிறார்கள், அவர்களின் விருப்ப தேர்வு என்னவாக இருக்கிறது என்பதை அறிந்துகொள்ள வேண்டும் என்கிற முன் ஆர்வமே இத்தகைய எதிர்பார்ப்புகளுக்கு காரணம். இந்நிலையில் அனுஷ்கா பிரபல தெலுங்கு இயக்குநர் ஒருவரை திருமணம் செய்ய இருப்பதாக தகவல் வெளியாகியுள்ளது.மேலும் இது குறித்த அறிவிப்பு விரைவில் வெளியாகும் என்கிறது டோலிவுட் வட்டாரங்கள்.
அனுஷ்கா தமிழ் சினிமாவில் இறுதியாக சிங்கம் 3 படத்தில் நடித்தார் அதன் பிறகு எந்த தமிழ் படங்களிலும் கமிட்டாகவில்லை.அனுஷ்காவின் உடல் எடை அதிகரிப்பும் அவரை புதிய படத்தில் ஒப்பந்தம் செய்யாததற்கான காரணமாக பார்க்கப்படுகிறது. இந்நிலையில் பி.வாசு இயக்கும் சந்திரமுகி படத்தின் இரண்டாம் பாகத்தில் அனுஷ்காவை நடிக்க வைக்க பேச்சுவார்த்தை நடைப்பெற்று வருகிறதாம். சந்திரமுகி முதல் பாகம் பிளாக் பஸ்டர் வெற்றிப்படமாக அமைந்த நிலையில் அதன் இரண்டாம் பாகத்தை எடுக்க சில வருடங்களாகவே முயற்சித்து வருகிறார் பி.வாசு. அந்த வகையில் முதல் பாகத்தில் நடித்த ரஜினியையே இரண்டாம் பாகத்திலும் நடிக்க வைக்க முயற்சிகள் நடந்துள்ளன. ஆனால் அந்த ஒப்பந்தத்தில் உடன்பாடு எட்டாததால், தற்போது ராகவா லாரன்ஸை வைத்து சந்திரமுகி 2 படத்தை இயக்கி வருகிறார் வாசு. இந்த படத்தில்தான் நடிகை அனுஷ்கா சந்திரமுகியாக மிரட்டுவார் என தெரிகிறது. இது குறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது. அனுஷ்கா நடிப்பது உறுதியானால் நிச்சயம் அது அவரது ரசிகர்களுக்கு ட்ரீட்டாக அமையும் என்பதில் சந்தேகமே இல்லை.