பிக் பாஸ் சீசன் 5இல் டைட்டில் வின்னர் ராஜூவைத் தாண்டி மக்களால் அதிகம் பேசப்பட்ட நபர்கள் நடன இயக்குநர் அமீர் மற்றும் பிரபல சின்னத்திரை நடிகை பாவ்னி.
கெமிஸ்ட்ரியால் திணறடிக்கும் அமீர் - பாவ்னி
பிக் பாஸ் சீசன் 5 ஆகட்டும், பிக் பாஸ் வீட்டிலிருந்து வெளியேறிய பின்னராகட்டும், இருவரின் இடையேயான கெமிஸ்ட்ரி மக்களை உற்சாகத்தில் ஆழ்த்தி வருகிறது.
தற்போது பிபி 5 ஜோடிகள் - சீசன் 2 நிகழ்ச்சியில் இருவரும் ஒன்றாக நடனமாடி வரும் நிலையில், இவர்களுக்கென தனி ரசிகர் பட்டாளமே உருவாகி உள்ளது. இந்நிகழ்ச்சியின் டைட்டில் வின்னர் இவர்கள் தான் என நிகழ்ச்சி தொடங்கும் முன்பாக இருந்தே ரசிகர்கள் ஆரூடம் சொல்லி வருகின்றனர்.
நீல வானம்... நீயும் நானும்....
இந்நிலையில், விக்ரம் பட சிறப்பு பிபி ஜோடிகள் நிகழ்ச்சியில் முன்னதாக கமல் ஹாசன் கலந்துகொண்டார். அப்போது ’மன்மதன் அம்பு’ படத்தில் இடம்பெற்ற கமல்ஹாசனின் பிரபல பாடலான ’நீல வானம்’ பாடலுக்கு இருவரும் நடனமாடினர்.
இந்தப் பாடலுக்கு நடனமாடிய இவர்களது கெமிஸ்ட்ரி அங்கிருந்த ஒட்டுமொத்த நபர்களையும் திணறடித்த நிலையில், நடுவர் ரம்யா கிருஷ்ணனும், சிறப்பு விருந்தினர் கமலும் இவர்களை வெகுவாகப் பாராட்டியுள்ளனர்.
பாவ்னி கண்ட்ரோல்ல இப்ப நான்...
இந்நிலையில், நடுவர்களின் பாராட்டுக்கு பதிலளித்த அமீர், இந்தப் போட்டியில் ரிகர்சல் ஆரம்பித்த முதல் மூன்று நாட்கள் மட்டுமே பாவ்னி தன் கண்ட்ரோலில் ஆடுவதாகவும், அடுத்த மூன்று நாட்கள் நடன இயக்குநரான தன்னை பாவ்னி தன் கண்ட்ரோலுக்கு கொண்டு வந்து ஆட வைப்பதாகவும் சிலாகித்துப் பேசியுள்ளார்.
பாவ்னி குறித்து அமீர் வெளிப்படையாக இப்படி பாராட்டி பேசியுள்ளது இவர்களது ரசிகர்களை மிகுந்த மகிழ்ச்சியில் ஆழ்த்தியுள்ளது.