இயக்குனர் பாலாஜி மோகன் - அமலா பால் கூட்டணி இரண்டாவது முறையாக "காதல் கொஞ்சம் தூக்கலா" என்ற படத்தின் மூலம் மீண்டும் இணைந்துள்ளார்கள். இந்த கூட்டணி ஏற்கனவே 2012ம் ஆண்டு தமிழ் மற்றும் தெலுங்கு மொழிகளில் வெளியான "காதலில் சொதப்புவது எப்படி" திரைப்படத்தை தொடர்ந்து இந்த திரைப்படம் மூலம் மீண்டும் இணைந்துள்ளார்கள். இந்த திரைப்படத்தில் நடிகர் சித்தார்த் ஜோடியாக அமலா பால் நடித்திருந்தார்.
புதுசா ட்ரை பண்றேன்:
"மிரட்டல்" என்ற தமிழ் திரைப்படத்தில் நடிகர் வினய் ஜோடியாக நடித்த கன்னட நடிகை ஷர்மிளா மந்த்ரே ஒரு தயாரிப்பாளராக மாறி "இவனுக்கு எங்கேயோ மச்சம் இருக்கு", "சண்டைக்காரி" மற்றும் "நானும் சிங்கிள் தான்" உள்ளிட்ட படங்களில் தயாரித்துள்ளார். தற்போது இவர் "காதல் கொஞ்சம் தூக்கலா" திரைப்படத்தின் கதை மிகவும் பிடித்து இருந்ததால் இப்படத்தையும் தயாரிக்கிறார். இதுவரையில் அவர் தயாரித்த திரைப்படங்கள் அனைத்தும் த்ரில்லராகவே இருந்ததால் இந்த கதை ஒரு வித்தியாசமான ரொமான்டிக் திரைப்படமாக இருந்ததால் இதை தயாரிக்க சம்மதித்துள்ளார்.
ஃபீல் குட் ரொமாண்டிக் மூவி :
"காதல் கொஞ்சம் தூக்கலா" ஒரு ஃபீல் குட் ரொமாண்டிக் எண்டர்டெயின்மெண்ட் திரைப்படம். இந்த திரைப்படத்தில் "நட்சத்திரம் நகர்கிறது" படத்தின் மூலம் தனது சிறப்பான நடிப்பால் அனைவரின் பாராட்டையும் பெற்ற காளிதாஸ் ஜெயராம் மற்றும் துஷாரா விஜயன் ஆகியோர் இப்படத்தில் நடித்துள்ளனர். இப்படத்தின் படப்பிடிப்பு மும்மரமாக தற்போது லண்டனில் நடைபெற்று வருகிறது.
அடுத்தடுத்து அமலாவின் பிஸி ஷெட்யூல் :
2022ம் ஆண்டு வெளியான "முதல் நீ முடியும் நீ" படத்தை இயக்கி மற்றும் இசையமைத்த தர்புகா சிவா இப்படத்திற்கு இசையமைப்பாளராகிறார். சமீபத்தில் நடிகை அமலா பால் நடிப்பில் வெளியான "கேடவர்" திரைப்படத்தில் ஒரு தயாரிப்பாளராகவும் முயற்சி செய்துள்ளார். மேலும் மம்மூட்டி நடிக்கும் கிறிஸ்டோபர், பிருத்விராஜ் நடிப்பில் ஆடுஜீவிதம் மற்றும் தி டீச்சர் ஆகிய படங்களில் நடித்து வருகிறார்.
PS 1 வாய்ப்பை தவற விட்ட அமலா :
சமீபத்தில் டைம்ஸ் ஆஃப் இந்தியாவுக்கு அளித்த ஒரு பேட்டியில் தனக்கு பொன்னியின் செல்வன் படத்தில் நடிக்க இயக்குனர் மணிரத்னம் ஒரு வாய்ப்பு கொடுத்ததாகவும் ஆனால் அந்த சமயத்தில் அவருக்கு இருந்த மனநிலையால் அவரால் அந்த வாய்ப்பினை ஏற்று கொள்ள முடியவில்லை என்றும் தெரிவித்துள்ளார்.