Just In
Ratsasan Hindi Remake: அக்ஷய் குமாரின் அடுத்த ரீமேக் ராட்சசன்!
முன்னதாக விக்கி டோனர், அந்தாதூன் போன்ற ஹிட் படங்களில் நடித்த ஆயுஷ்மான் குரானா இத்திரைப்படத்தில் நடிக்க இருப்பதாக தகவல் வெளியானது. ஆனால், இப்போது அக்ஷய் குமார் நடிக்க இருப்பதாக தெரிவிக்கப்பட்டுள்ளது.
2018-ம் ஆண்டு தமிழில் வெளியான ராட்சசன் திரைப்படம், ரசிகர்கள் இடத்தில் பெறும் வரவேற்பை பெற்றது. விஷ்ணு விஷால், அமலா பால், காளி வெங்கட் ஆகியோர் நடித்த இத்திரைப்படத்தை இயக்குனர் ராம் குமார் இயக்கினார்.ராட்சசன் திரைப்படத்தின் வெற்றியைத் தொடர்ந்து, இப்படம் தெலுங்கு மொழியில் ரீமேக் செய்யப்பட்டது. டோலிவுட்டில் ஹிட்டான இத்திரைப்படம் இப்போது பாலிவுட்டிலும் ரீமேக்காக உள்ளது.
இதில், அக்ஷய் குமார் ஹீரோவாக நடிக்க உள்ளார், ரகுல் ப்ரீத் ஹிரோயினாக நடிக்க உள்ளார் என அறிவிப்பு வெளியாகியுள்ளது. முன்னதாக விக்கி டோனர், அந்தாதூன் போன்ற ஹிட் படங்களில் நடித்த ஆயுஷ்மான் குரானா இத்திரைப்படத்தில் நடிக்க இருப்பதாக தகவல் வெளியானது. ஆனால், இப்போது அக்ஷய் குமார் நடிக்க இருப்பதாக தெரிவிக்கப்பட்டுள்ளது.
இதை போல, நிறைய தமிழ் மற்றும் பிற மொழி படங்களை ஹிந்தியில் ரீமேக் செய்து அக்ஷய் குமார் நடித்துள்ளார். அந்த வரிசையில், காஞ்சனா திரைப்படத்தை ‘லக்ஷ்மி’ என்ற பெயரில் ஹிந்தியில் ரீமேக் செய்து நடித்திருந்தார். அந்த திரைப்படம் டிஸ்னி + ஹாட்ஸ்டாரில் வெளியானது.
தற்போது, ஆனந்த் எல் ராய் இயக்கத்தில் உருவாகும் Atrangi Re படத்தில் தனுஷுடன் அக்ஷய் குமார் நடித்து வருகிறார். சாரா அலி கான் கதையின் நாயகியாக களமிறங்க இசை புயல் ஏ.ஆர். ரகுமான் இந்த படத்திற்கு இசையமைக்கிறார். இப்படத்தில் நடித்து வரும் அக்ஷய் குமார், அடுத்தடுத்து நிறைய படங்களில் நடித்து வருகிறார்.
திரைப்படங்களின் ரேட்டிங் அப்டேட் செய்யப்படும் ஐஎம்டிபி தளத்தில், ராட்சசன் திரைப்படத்திற்கு அதிக ரேட்டிங் அளிக்கப்பட்டது. இதனால், இப்படம் மற்ற மொழிகளில் ரீமேக் செய்யும்போது பெரும் எதிர்பார்ப்பு நிலவுவது வழக்கமானது. இந்நிலையில், இப்போது ஹிந்தியில் ரீமேக் செய்யப்படும் இப்படத்தின் இயக்குனர், தயாரிப்பாளர் யார் என்ற விவரங்கள் இன்னும் வெளியாகவில்லை.