தமிழ் திரையுலகின் பிரபல நடிகராக திகழ்பவர் அஜித்குமார். துணிவு படத்திற்கு இவர் விடாமுயற்சி படத்தில் நடித்து வருகிறார். விக்னேஷ் சிவனுடன் இணைய வேண்டிய கூட்டணி ரத்தான பிறகு, திடீரென உறுதியான படம் என்பதால் இதன் படப்பிடிப்பு தொடங்குவதற்கே தாமதம் ஆனது.


விடாமுயற்சி அப்டேட்:


இதையடுத்து, மகிழ் திருமேனி இயக்குவது உறுதி செய்யப்பட்டு அஜர்பைஜான், துபாய் உள்ளிட்ட இடங்களில் படப்பிடிப்பு நடத்தப்பட்டது. பெரியளவில் படம் தொடர்பான தகவல்கள் ஏதும் வெளியாகாமலே இருந்த நிலையில், இந்த படம் கைவிடப்பட்டதாக வதந்திகள் பரவியது. இதையடுத்து, வதந்திகளுக்கு முற்றுப்புள்ளி வைக்கும் விதமாக விடாமுயற்சி படத்தின் பர்ஸ்ட் லுக் மற்றும் செகண்ட் லுக் வெளியிடப்பட்டது.


இந்த நிலையில், விடாமுயற்சி படத்தின் கதாபாத்திர அறிமுகங்கள் இன்று மாலை 5.05 மணிக்கு வெளியாக இருக்கின்றன. இது லைகா ப்ரோடக்‌ஷன்ஸ் அதிகாரப் பூர்வ தகவல் வெளியாகியுள்ளது.  இது அஜித் ரசிகர்கள் மத்தியில் மகிழ்ச்சியை ஏற்படுத்தியுள்ளது. இந்த படத்தில் நடிகர் அஜித்குமாருடன் த்ரிஷா, ஆரவ், அர்ஜூன், பிரபல பாலிவுட் நடிகர் சஞ்சய் தத், ரெஜினா ஆகியோர் நடிக்கின்றனர். முன்னதாக அஜித் நடித்த துணிவு படத்தின் கதாபாத்திரங்களுக்கு இதேபோல் தனியாக அறிமுகங்கள் வெளியாகின. கடந்த ஒரு ஆண்டுகாலமாக விடாமுயற்சி படத்தின் அப்டேட் எதிர்பார்த்து காத்திருந்த அஜித் ரசிகர்களுக்கு இந்த முறை சிறபபான சம்பவம் காத்திருக்கிறது. 


ரசிகர்கள் எதிர்பார்ப்பு:


லைகா நிறுவனம் தயாரிக்கும் இந்த படத்திற்கு நீரவ்ஷா மற்றும் ஓம் பிரகாஷ் இருவரும் ஒளிப்பதிவாளர்களாக பணியாற்றியுள்ளனர். இந்த படத்திற்கு அனிருத் இசையமைத்துள்ளார். என்.பி.ஸ்ரீகாந்த் படத்தொகுப்பை மேற்கொண்டுள்ளார். உலகம் முழுவதும் இந்த படம் தீபாவளி வெளியிடாக வருகிறது.


இந்த படத்தில் அஜித்குமாரின் இரண்டு போஸ்டர்களும் மற்ற படங்களுக்கு போல் இல்லாமல் மிக எளிமையாகவும், வித்தியாசமாகவும் இருந்தது. துணிவு படத்திற்கும் இதேபோல ஒவ்வொரு கதாபாத்திரங்களின் பெயர்களும், ஒவ்வொரு நாளும் வெளியிடப்பட்டது என்பது குறிப்பிடத்தக்கது. அஜித்குமார் நடிப்பில் திரைப்படம் வெளியாகி ஓராண்டுக்கும் மேல் ஆகிவிட்டதால் விடாமுயற்சி படத்தின் மீது மிகுந்த எதிர்பார்ப்பு ஏற்பட்டுள்ளது.






இந்த படத்திற்கு தொடங்கப்பட்ட குட் பேட் அக்லி திரைப்படத்தின் படப்பிடிப்பு முழு வீச்சில் நடைபெற்று வருகிறது என்பது குறிப்பிடத்தக்கது. குட் பேட் அக்லி படத்தை ஆதிக் ரவிச்சந்திரன் இயக்கி வருகிறார் என்பது குறிப்பிடத்தக்கது.



மேலும் படிக்க : Vaazhai First Single : தென்கிழக்கு தேன் சிட்டு... செம்பருத்தி பூ மொட்டு... 'வாழை' படத்தின் பர்ஸ்ட் சிங்கிள் வெளியானது