Just In
Vidaamuyarchi Trailer: விடாமுயற்சி ட்ரைலர் ரிலீஸ் - லைகா அறிவிப்பால் மகிழ்ச்சியில் ரசிகர்கள்!
அஜித்குமார் - த்ரிஷா நடிப்பில் உருவாகியுள்ள விடாமுயற்சி திரைப்படத்தின் ட்ரைலர் ரிலீஸ் குறித்த தகவலை தற்போது லைகா நிறுவனம் அறிவித்துள்ளது.
நடிகர் அஜித் நடிப்பில் மிகுந்த எதிர்பார்ப்புக்கு மத்தியில் உருவாகியுள்ள திரைப்பட தான் 'விடாமுயற்சி'. ஆக்ஷன் - த்ரில்லர் ஜார்னரில் உருவாகியுள்ள இந்த படத்தை, மகிழ் திருமேனி இயக்கியுள்ளார். லைகா நிறுவனம் சார்பில், சுபாஸ்கரன் அல்லி ராஜா இந்த படத்தை தயாரித்துள்ளார். பிரபல ஹாலிவுட் படமான 'பிரேக் டவுன்' படத்தின் அதிகார பூர்வ ரீமேக்காக இப்படம் எடுக்கப்பட்டுள்ளது.
பொங்கல் வெளியீடாக அறிவிக்கப்பட்ட இந்த படம், கடைசி நேரத்தில் ரிலீஸில் இருந்து பின்வாங்கிய நிலையில், இந்த மாத இறுதிக்குள் ரிலீஸ் ஆகும் என அறிவிக்கப்பட்டது. ஆனால் இதுவரை விடாமுயற்சி படத்தின் ரிலீஸ் தேதி எதுவும் அறிவிக்கப்படாத நிலையில், தற்போது லைகா நிறுவனம் புதிய அறிவிப்பு ஒன்றை வெளியிட்டுள்ளது.
அதன்படி லைகா புரொடக்ஷன்ஸ் வெளியிட்டுள்ள சமீபத்திய எக்ஸ் தள பதிவில், அஜித்குமார் நடித்துள்ள 'விடாமுயற்சி' திரைப்படத்தின் டிரெய்லர் ஜனவரி 16, 2025 அன்று வெளியிடப்படும் என்று தெரிவிக்கப்பட்டுள்ளது. படத்தின் வெளியீட்டு தேதியை இத்துடன் வெளியாக வாய்ப்புள்ளதாக கூறப்படுகிறது. இந்த தகவல் அஜித்தின் ஒட்டு மொத்த ரசிகர்களையும் மகிழ்ச்சியில் ஆழ்த்தியுள்ளது. இப்படத்தில் அஜித்துக்கு ஜோடியாக, த்ரிஷா கிருஷ்ணன் நடித்துள்ளார். மேலும் முக்கிய கதாபாத்திரங்களில், அர்ஜுன் சர்ஜா, ரெஜினா கசாண்ட்ரா, ஆரவ் மற்றும் பலர் நடித்துள்ளனர் என்பது குறிப்பிடத்தக்கது.