Good Bad Ugly: 32 ஆண்டுகளை கடந்த அஜித்தின் திரைப்பயணம்! சூப்பர் அப்டேட் கொடுத்த குட் பேட் அக்லி டீம்!

நடிகர் அஜித் குமார் திரையுலகிற்கு வந்து 32 ஆண்டுகள் நிறைவடைந்துள்ளதைத் தொடர்ந்து அவர் நடித்து வரும் குட் பேட் அக்லி படத்தின் அப்டேட் வெளியாகியுள்ளது

அஜித் குமார்

நடிகர் அஜித் குமார் திரையுலகிற்கு வந்து இன்றோடு 32 ஆண்டுகள் கடந்துள்ளன. இதனைக் கொண்டாடும் விதமாக தற்போது அவர் நடித்து வரும் விடாமுயற்சி மற்றும் குட் பேட் அக்லி ஆகிய இரு படங்களின் அப்டேட்கள் வெளியாகியுள்ளன. இன்று ஆகஸ்ட் 3 ஆம் தேதி காலை விடாமுயற்சி படத்தின் சிறப்பு போஸ்டர் வெளியானதைத் தொடர்ந்து தற்போது குட் பேட் அக்லி படத்தின் சிறப்பு போஸ்டர் வெளியாகியுள்ளது. 

விடாமுயற்சி 

லைகா ப்ரோடக்‌ஷன்ஸ் தயாரித்துள்ள விடாமுயற்சி படத்தை மகிழ் திருமேணி இயக்குகிறார். அனிருத் இசையமைக்கிறார். ஓம் பிரகாஷ் மற்றும் நிரவ் ஷா இருவரும் இணைந்து இப்படத்திற்கு ஒளிப்பதிவு செய்துள்ளார்கள். கடந்த ஓராண்டு காலமாக விடாமுயற்சி படத்தின் படப்பிடிப்பு துபாய் மற்றும் அஜர்பைஜானில் நடைபெற்றது. சமீபத்தில் அஜர்பைஜான் படப்பிடிப்பு முடிவடைந்த நிலையில் தற்போது ஹைதராபத்தில் த்ரிஷா மற்றும் அர்ஜூன் நடிக்கும் காட்சிகள் படமாக்கப்பட்டு வருகின்றன. இந்த ஆண்டு தீபாவளியை முன்னிட்டு இப்படம் திரையரங்கில் வெளியாக இருக்கிறது

குட் பேட் அக்லி

கடந்த ஆண்டு மார்க் ஆண்டனி படத்தை இயக்கி ப்ளாக்பஸ்டர் வெற்றியைக் கொடுத்த ஆதிக் ரவிச்சந்திரன் இயக்கும் படம் தான் குட் பேட் அக்லி . அஜித்தின் 63 ஆவது படமாக இப்படம் உருவாகிறது . மைத்ரீ மூவி மேக்கர்ஸ் இப்படத்தை தயாரிக்கிறார்கள். தேவிஸ்ரீ பிரசாத் இப்படத்திற்கு இசையமைக்கிறார். கடந்த மே மாதம் தொடங்கிய இப்படத்தின் முதற்கட்ட படப்பிடிப்பு முடிவடைந்துள்ளது. அடுத்தக் கட்ட படப்பிடிப்பு  விரைவில் துவங்க இருக்கிறது. ஏற்கனவே இப்படத்தின் ஃபர்ஸ்ட் லுக் மற்றும் செகண்ட் லுக் வெளியாகிய நிலையில் தற்போது மற்றொரு போஸ்டர் வெளியாகியுள்ளது.