நடிகை ஐஸ்வர்யா ராஜேஷ் நடித்துள்ள சொப்பன சுந்தரி படத்தின் ட்ரெய்லர் வெளியாகி இணையத்தில் கவனமீர்த்து வருகிறது.
லாக் அப் படத்தை இயக்கிய எஸ்.ஜி.சார்லஸ் இயக்கத்தில் ஐஸ்வர்யா ராஜேஷ், லட்சுமி பிரியா, தீபா, கருணாகரன், ரெட்டின் கிங்ஸ்லி உள்ளிட்ட பலர் நடித்துள்ள படம் ’சொப்பனசுந்தரி’.
ஹியூபாக்ஸ் ஸ்டுடியோ - ஹம்சினி எண்டெர்டெய்ன்மெண்ட் இணைந்து தயாரித்துள்ள இந்தப் படம் டார்க் காமெடி ஜானரில் உருவாகியுள்ளது. இந்தப் படத்துக்கு அஜ்மல் தஹ்சீன் இசையமைத்துள்ளார். பாலமுருகன் - விஷ்ணு கோபாலன் ஒளிப்பதிவு செய்துள்ளனர்.
தி கிரேட் இந்தியன் கிச்சன், டிரைவர் ஜமுனா, ரன் பேபி ரன் படங்களைத் தொடர்ந்து இந்தப் படத்தில் கதாநாயகியாக ஐஸ்வர்யா ராஜேஷ் இந்தப் படத்தில் நடித்துள்ளார். முன்னதாக இந்தப் படத்தின் ஃபர்ஸ்ட் சிங்கிள் பாடலான பணக்காரி வெளியாகி கவனமீர்த்தது.
இந்நிலையில் தற்போது இந்தப் படத்தின் ட்ரெய்லர் வெளியாகி கோலிவுட் ரசிகர்கள் மத்தியில் வரவேற்பைப் பெற்று வருகிறது.
பரிசாகக் கிடைத்த ஒரு காருக்காக ஒரு குடும்பத்தினரே சண்டை போட்டுக் கொள்ளும்படி அமைந்துள்ள இந்த ட்ரெய்லர் இணையத்தில் வரவேற்பைப் பெற்றுள்ளது.