விருமன் பட நடிகை அதிதி ஷங்கர் தான் அடிக்கடி கேட்கும் பாடல் குறித்து நேர்காணல் ஒன்றில் தெரிவித்துள்ளதை விஜய் ரசிகர்கள் கொண்டாடி வருகின்றனர்.
தமிழ் சினிமாவில் கிராமத்து கதைக்களத்தை கையில் எடுத்து படமாக்கும் இயக்குநரில் ஒருவரான முத்தையா அடுத்ததாக இயக்கியுள்ள படம் விருமன். இந்த படத்தில் நடிகர் கார்த்தி ஹீரோவாகவும், இயக்குநர் ஷங்கரின் மகள் அதிதி ஹீரோயினாகவும் நடித்துள்ளனர். மேலும் பிரகாஷ்ராஜ், ராஜ்கிரண்,சரண்யா பொன்வண்ணன், நடிகர் சூரி, ஆர்.கே.சுரேஷ், மனோஜ் பாரதிராஜா ஆகியோரும் நடித்துள்ளனர். யுவன் சங்கர் ராஜா இசையமைத்துள்ள இப்படம் இன்று திரையரங்குகளில் வெளியாகியது.
காலையிலேயே முதல் காட்சி பார்த்த ரசிகர்கள் படம் சூப்பராக உள்ளதாகவும், கார்த்தி, அதிதி உள்ளிட்ட அனைவரும் நன்றாக நடித்துள்ளதாகவும் சமூக வலைத்தளங்களில் பாராட்டி வருகின்றனர். முன்னதாக படத்துக்கான ப்ரமோஷன் வேலைகளில் படக்குழு தீவிரமாக ஈடுபட்டது.அந்த வகையில் அதிதி ஷங்கர் பல நேர்காணல்களில் கலந்து கொண்டார். அதில் ஒரு நேர்காணலில் நெறியாளர் அடிக்கடி நீங்கள் கேட்கும் பாடல் எது என்று கேட்கிறார்.
அதற்கு அதிதி தற்போது கஞ்சா பூ கண்ணால பாடல் என்றும், அதற்கு முன்னால் பீஸ்ட் படத்தில் இடம்பெற்ற அரபிக்குத்து பாடலை கேட்பேன். கிட்டதட்ட ஒருநாளைக்கு 100 முறை அந்த பாடலை கேட்பது வழக்கம் என தெரிவித்துள்ளார். இதனை விஜய் ரசிகர்கள் வைரலாக்கி கொண்டாடி வருகின்றனர். அதிதி விருமன் படத்தின் மதுரை வீரன் பாடலை யுவனோடு இணைந்து பாடியுள்ளார் என்பது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்