Trisha video: திரைத்துறையில் 21 ஆண்டுகளை கடந்த த்ரிஷா ரசிகர்கள் அனைவருக்கும் நன்றி சொல்லி வீடியோ வெளியிட்டுள்ளார்.
மௌனம் பேசியதே படத்தின் மூலம் ஹீரோயினாக அறிமுகமான த்ரிஷா தற்போது தமிழ் சினிமாவின் முன்னணி நடிகையாக வலம் வருகிறார். விஜய், அஜித், ரஜினி, கமல்ஹாசன், விக்ரம், ஜெயம் ரவி, தனுஷ் என முன்னணி ஹீரோக்களுடன் நடித்த த்ரிஷாவுக்கு தனி ரசிகர்கள் கூட்டம் ஏராளம். இந்த நிலையில் திரைக்கு வந்து 21 ஆண்டை கொண்டாடும் த்ரிஷாவுக்கு அவரது ரசிகர்களும், திரைத்துறை நண்பர்களும் வாழ்த்து கூறி வந்தனர்.
ரசிகர்களின் வாழ்த்து மழையால் பூரித்து போன த்ரிஷா தனது ரசிகர்கள், நண்பர்கள் என அனைவருக்கும் நன்றி சொல்லி வீடியோ ஒன்றை வெளியிட்டுள்ளார். அவர் வெளியிட்ட இன்ஸ்டகிராம் வீடியோவில், ”21 ஆண்டு கால இந்த பயணத்தில் தனக்கு எப்பொழுதும் ஆதரவு அளித்த அனைவருக்கும் நன்றி என்றும், இன்றைய நாளை ஒவ்வொருவரும் தனக்கு சிறப்பாக அமைத்து கொடுத்ததாகவும், உங்களால் நான் இன்று இந்த இடத்தில் நிற்கிறேன்” என கூறியுள்ளார்.