தமிழ் திரையுலகின் முன்னணி நடிகராக இருப்பவர் விஜய். இவரது நடிப்பில் நெல்சன் திலீப் குமார் இயக்கத்தில் ஏப்ரல் மாதத்தில் வெளியாக இருக்கும் திரைப்படம் பீஸ்ட். இந்தப்படத்தின் போஸ்டர்கள், ஷூட்டிங் ஸ்பாட் புகைப்படங்கள் சமூகவலைதளங்களில் வைரலான நிலையில், அண்மையில் படத்திலிருந்து ஃபர்ஸ்ட் சிங்கிளான அரபிக்குத்து லிரிக்கல் பாடல் வெளியானது.
வெளியான 10 மணி நேரத்தில் 16 மில்லியன் பார்வையாளர்களை கடந்து சாதனைப்படைத்த இந்தப்பாடல் தற்போது வரை 42 மில்லியன் பார்வையாளர்களை பெற்றிருக்கிறது. இந்தப்பாடலில் வருவது போலவே, பலரும் நடனமாடி வீடியோக்களை வெளியிட்டு வருகின்றனர். இந்த வீடியோக்கள் சமூக வலைதளங்களில் வைரலாகியும் வருகிறது. அந்தவகையில் "ஓ சொல்றியா" பாடலுக்கு வேற லெவலில் ஆட்டம் ஆடி சிறியவர்கள் முதல் பெரியவர்கள் என அனைவரது மனதையும் கவர்ந்த சமந்தா, தற்போது அரபிக்குத்து பாடலுக்கு நடனமாடி தனது இன்ஸ்டாகிராம் பக்கத்தில் பதிவிட்டுள்ளார். அந்த வீடியோக்கு மேல் சமந்தா பதிவிட்ட கேப்ஷனில்,மற்றொரு நள்ளிரவு விமானம் … இல்லை!! 😎😎😎 இன்றிரவுக்கான ரிதம் என்று குறிப்பிட்டுள்ளார்.
இதனிடையே ஓ சொல்றியா மாமா பாடல் போலவே மற்றொரு குத்துப்பாட்டுக்கும் சமந்தாவிடம் சம்பள பேச்சுவார்த்தை நடைபெற்று வருவதாக தகவல் வெளியாகியுள்ளது.
இந்த நிலையில் தற்போது இசையமைப்பாளர் அனிருத்தும் இந்தப்பாடலுக்கு விஜய் ஆடுவது போலவே நடனமாடி வீடியோ ஒன்றை வெளியிட்டு இருக்கிறார்.
அதேபோல், பீஸ்ட் படத்தின் கதாநாயகி பூஜா ஹெக்டேவும் கப்பலில் இந்த பாட்டிற்கு நடனமாடினார். இந்த வீடியோ தற்போது சமூக வலைதளங்களில் வைரலாகி வருகிறது. இந்தப்பாடலை பிரபல நடிகர் சிவகார்த்திகேயன் எழுதியுள்ளது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்