பிக் பாஸ் நிகழ்ச்சியின் மூலமாக சினிமாவுக்குள் நுழைந்தவர் பிரபல நடிகை ரைசா வில்சன்.
இந்த நிகழ்ச்சி இவருக்கு கொடுத்த லைம்லைட் காரணமாக யுவன் தயாரிப்பில், ஹரீஸ் கல்யாணுடன் 'பியார் பிரேமா காதல்' படத்தில் ஹீரோயினாக நடித்தார். இந்தப் படம் ரசிகர்களிடம் நல்ல வரவேற்பை பெற்றது.
அதனைத் தொடர்ந்து வர்மா, FIR உள்ளிட்ட படங்களில் முக்கியக் கதாபாத்திரங்களில் நடித்த ரைசா தொடர்ந்து வேறு சில படங்களில் நடித்தும், தன் சமூக வலைதளப் பக்கத்தில் ஆக்டிவாகவும் உள்ளார்.
இந்நிலையில், சமீபத்தில் கோவா சென்று வந்த ரைசா தான் கோவாவில் மகிழ்ச்சியாக பொழுதைக் கழித்த புகைப்படங்கள், வீடியோக்களை தன் இன்ஸ்டா பக்கத்தில் பதிவிட்டு தன் கோவா நாட்களை நினைவுகூர்ந்து வருகிறார். ரைசாவின் இந்தப் பதிவுகள் அவரது ரசிகர்களை உற்சாகத்தில் ஆழ்த்தி வருகின்றன.
அந்த வகையில், முன்னதாக கடற்கரையில், வெயில் சாயும் வேளையில், ஏகாந்தமாக பிகினி உடையில் தான் பொழுதைக் கழிக்கும் வீடியோ ஒன்றை ரைசா பகிர்ந்துள்ளார். ரைசாவின் இந்த வீடியோவுக்கு லைக்கிட்டு, ’குயின் ஆஃப் இன்ஸ்டா’ என கமெண்ட் செய்தும், இதயங்களால் கமெண்ட் செக்ஷனை நிரப்பியும் அவரது ரசிகர்கள் மகிழ்ச்சி தெரிவித்து வருகின்றனர்.
ரைசாவின் நடிப்பில் விரைவில் பொய்க்கால் குதிரை, காதலிக்க யாருமில்லை உள்ளிட்ட படங்கள் வெளிவர உள்ளது குறிப்பிடத்தக்கது.