மலையாள திரையுலகின் பிரபல ஒளிப்பதிவாளர் மோகனின் மகள் மாளவிகா மோகனன். கடந்த 2013ஆம் ஆண்டு துல்கர் சல்மான் நடிப்பில் வெளியான பட்டம் போலே படத்தின் மூலம் திரையுலகில் அறிமுகமானவர். தமிழ், தெலுங்கு, மலையாளம் மற்றும் இந்தி உள்ளிட்ட மொழிகளில் நடித்து வருகிறார்
தமிழில் கார்த்திக் சுப்பாராஜ் இயக்கத்தில் சூப்பர் ஸ்டார் ரஜினிகாந்த் நடிப்பில் வெளியான பேட்ட திரைப்படத்தில் சசிகுமாருக்கு ஜோடியாக நடித்து கோலிவுட்டில் அறிமுகமான மாளவிகா மோகனன் அடுத்ததாக தளபதி விஜய் நடித்த மாஸ்டர் படத்தில் ஹீரோயினாக நடித்தார். மாஸ்டர் படத்தை முடித்த கையோடு நடிகர் தனுஷ் நடிப்பில் உருவாகி வரும் மாறன் திரைப்படத்தில் அவருக்கு ஜோடியாக நடித்துள்ளார் மாளவிகா. திரைத்துறைக்கு வருவதற்கு முன்பே மாடலிங் துறையில் கலக்கியவர் மாளவிகா.
இன்ஸ்டா புகைப்படங்கள் மூலம் தனக்கென தனி ரசிகர் கூட்டத்தை வைத்திருக்கும் மாளவிகா அவ்வப்போது போட்டோஷூட் செய்து ட்ரெண்டிங்கில் இருப்பார். இந்நிலையில் தற்போது மாலத்தீவு சுற்றுலா சென்றுள்ளார் மாளவிகா. மாலத்தீவை ரசித்துக்கொண்டு மாளவிகா பகிர்ந்த வீடியோக்களையும், புகைப்படங்களை அவரது ரசிகர்கள் ட்ரெண்டாக்கி வருகிறார்கள்.