ஒர்க் அவுட்... ஒர்க் இருந்தாலும் ஒர்க் இல்லையென்றாலும் பலரால் செய்யப்படும், பின்பற்றப்படும் ஒன்று. உடலை வலிமையாக்கவும், வலிமையை வளமாக்கவும் பின்பற்றப்படும் ஒர்க் அவுட் என்கிற உடற்பயிற்சி, ஆண்களுக்கானது என்று தான் பல வருடங்களாக நம்பப்பட்டது.
ஆனால் சமீபத்தில் பெண்கள் பலர் குறிப்பாக, பிரபலங்கள் பலர் தங்கள் உடற்பயிற்சியை வீடியோவாக, போட்டோவாக வெளியிட்டு பலரையும் அதிர வைத்து வருகின்றனர். எங்க ஏரியா என ஆண்கள் கோலோச்சிய உடற்பயற்சி கூடங்களை, ‛தள்ளுங்க தம்பி காத்து வரட்டும்..’ என பெண்களும் ஆக்கிரமித்து அதகளம் செய்து வருகின்றனர்.
இதோ பாருங்க... நடிகை ஐஸ்வர்யா மேனனின் ஒர்க் அவுட்டை...! மாஸ்... பீஸ்... கிளாஸ்...! வெயிட்டைப் போட்டு வானத்துக்கும் பூமிக்கும் என்னமா தாவுது இந்த பொண்ணு என வாயடைத்து பார்த்துக் கொண்டிருக்கிறார்கள் இந்த வீடியோவை.
தனது இன்ஸ்ட்ராகிராமில் அவர் இந்த வீடியோவை பதிவேற்ற ிய நேரத்தில் இருந்து, படையப்பா படத்தில் சட்டையை கழற்றும் ரஜினியை பார்த்து அப்பாஸ் வாய் பிழப்பதைப் போன்று, அனைவரும் திகைத்து பார்த்து வருகின்றனர்.
யாருக்குள் என்ன திறமை இருக்கும் என்பதை இது போன்ற வீடியோக்கள் தான் நிரூபிக்கின்றன. நான் கடினமாக உழைப்பேன் என சுட்டிக்காட்டி அவர் பதிவிட்டுள்ள நிலையில், ‛என்ன பொண்ணுடா இது...’ என வாயடைத்து நிற்கிறது கமெண்ட் போட்டுள்ள ரசிகர் கூட்டம்.
காதலில் சொதப்புவது எப்படி படத்தில் அறிமுகம் ஆன ஐஸ்வர்யா மேனன், அதன் பின் ஆப்பிள் பெண்ணே,தீயா வேலை செய்யனும் குமாரு, வீரா, தமிழ் படம் 2, நான் சிரித்தால் ஆகிய படங்களில் நடித்தார் என்பது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்