Trending
மாமா நீங்க நல்லா இருக்கீங்களா...விஷாலிடம் கொஞ்சி பேசிய சிறுவன்
மதகஜராஜா படத்தின் சிறப்பு திரையிடலின் போது நடிகர் விஷாலிடம் சிறுவன் வந்து பேசிய வீடியோ இணையத்தில் வைரலாகி வருகிறது
மதகஜராஜா
விஷால் நடித்து சுந்தர் சி இயக்கியுள்ள மதகஜராஜா திரைப்படம் இன்று திரையரங்கில் வெளியாகி சிறப்பான வரவேற்பைப் பெற்றுள்ளது. இந்த ஆண்டு பொங்கலுக்கு வெளியான மற்ற படங்கள் பெரியளவில் மக்களை திருப்திபடுத்தவில்லை என்றே சொல்லலாம். அந்த வகையில் படம் எடுத்து முடிக்கப்பட்டு 12 ஆண்டுகள் கழித்து வெளியாகியிருக்கும் மதகஜ ராஜா திரைப்படம் ஒரு நல்ல பொழுதுபோக்கு படமாக கருதப்படுகிறது
விண்டேஜ் விஷால் , சந்தானம் , அஞ்சலி , வரலட்சுமி ஒருபக்கம் என்றால் சுந்தர் சியின் இயக்கம் விஜய் அண்டனியின் இசை என மக்கள் எதைபற்றியும் யோசிக்காமல் ஜாலியாக பார்த்துவரும் ஒரு படமாக் இப்படம் அமைந்துள்ளது.
மக்கள் மனதில் மீண்டும் இடம்பிடிக்கும் விஷால்
செல்லமே , சண்டகோழி , திமிரு , தாமிரபரனி , என அடுத்தடுத்த படங்களில் தனக்கென தனக்கெ ஒரு தனி ரசிகர்களை உருவாக்கியவர் விஷால். ஆனால் நடிகர் சங்கம் , தயாரிப்பாளர் , உடல் சிக்கல்கள் என அவரது கரியரில் நிறைய சவால்கள் வந்ததால் சில படங்கள் தோல்வியை சந்தித்தது. கடந்த ஆண்டு வெளியான மார்க் ஆண்டனி திரைப்படம் விஷாலுக்கு ஒரு புது பரிணாமத்தை கொடுத்தது.
சமீபத்தில் மதகஜராஜா படத்தின் போது வைரல் காய்ச்சலோடு விஷால் பேசியது பலர் கவனத்தை ஈர்த்தது. விஷால் சீக்கிரம் குணமடைந்து வர வேண்டும் என அவர் பக்கம் ரசிகர்களின் சிம்பதி திரும்பியது. இவை எல்லாம் சேர்ந்து மதகஜராஜா படத்திற்கு பெரியளவில் பாசிட்டிவ் ரெஸ்பான்ஸை பெற்றுத் தந்துள்ளன.
விஷாலுடன் உரையாடிய சிறுவன்
மதகஜராஜா படத்தின் சிறப்பு திரையிடலை நடிகர் விஷால் நேற்று பார்த்தார். அப்போது அங்கு பெண் ஒருவர் தனது மகனை விஷாலிடம் பேச வைத்தார். தன் அம்மா சொல்ல சொல்ல அந்த சிறுவன் விஷாலைப் பார்த்து நல்லா இருக்கீங்களா மாமா' என கேட்கிறான். அமைதியாக விஷால் அந்த குழந்தையுடன் உரையாடிவிட்டு வீட்டிற்கு வரும்படி அழைக்கிறார். இந்த வீடியோ தற்போது சமூக வலைதளத்தில் வைரலாகி வருகிறது.