”எனக்கு நரம்பு தளர்ச்சியா? நண்டு சிண்டு எல்லாம் கதை சொன்னாங்க!” விஷால் கொடுத்த பதிலடி

தன்னை குறித்து வதந்தி பரப்பியவர்களுக்கு நடிகர் விஷால் பதிலடி கொடுத்துள்ளார். 

நண்டு சிண்டு எல்லாம் நான் வரமாட்டேன்னு சொல்லிட்டு இருந்தாங்க என்று தன்னை குறித்து வதந்தி பரப்பியவர்களுக்கு நடிகர் விஷால் பதிலடி கொடுத்துள்ளார். 

மதகஜராஜா: 

இயக்குனர் சுந்தர் சி இயக்கத்தில் விஷால், சந்தானம் ஆகியோர் நடிப்பில் 12 ஆண்டுகளுக்கு பிறகு வெளியான திரைப்படம் மதகஜராஜா. இந்த திரைப்படம் கடந்த ஜனவரி 12 ஆம் தேதி திரையரங்குகளில் வெளியாகி நல்ல விமர்சனத்தை பெற்று வருகிறது. ஆக்‌ஷன் மற்றும் காமெடி கலந்த நல்ல பொழுதுப்போக்கு படமாக மதகஜராஜா இருப்பதாக விமர்சனங்கள் வருகின்றன. 

விஷாலின் கை நடுக்கம்: 

இந்த நிலையில் இப்படத்தின் ப்ரீ ரிலீஸ் நிகழ்ச்சி சில நாட்களுக்கு முன்பு சென்னையில் நடந்தது. அந்நிகழ்ச்சியில் படத்தின் இயக்குனர் சுந்தர்.சி, நடிகர் விஷால் மற்றும் இசையமைப்பாளர் விஜய் ஆண்டனி ஆகியோர் கலந்து கொண்டனர். அப்போது  விஷால் பேசிய போது மிகுந்த கைநடுக்கத்துடன் காணப்பட்டார். இதனால் அவரது உடல்நிலை குறித்து நிறைய வதந்திகள் பரப்பப்பட்டு வந்தது. அதன் பின்னர் விஷாலுக்கு நிகழ்ச்சியின் போது வைரஸ் காய்ச்சல் இருப்பதாக விளக்கம் அளிக்கப்பட்டது. 

விஷால் பதிலடி: 

இந்த நிலையில் நேற்று(13.01.25) சென்னை வடபழனியில் உள்ள பிரபல திரையரங்கில் மதகஜராஜா திரைப்படத்தை ரசிகர்களுடன் பார்த்த நடிகர் விஷால் அவர்களுடன் சிறிது நேரம் உரையாற்றினார். அப்போது பேசிய விஷால் என்னுடைய உடல்நிலை குறித்து நண்டு சிண்டு எல்லாம் நான் ஆறு மாசத்துக்கு வரமாட்டேன் அப்போலோ-ல ஆகி இருப்பேன் என்று சொன்னார்கள். 

ஆனால் நான் இன்னைக்கு இங்க சைக்கிள்ல வரலாம்ன்னு இருந்தேன், இரண்டு கை நடுங்க உடனே விஷாலுக்கு நரம்பு தளர்ச்சி வந்துவிட்டது நான் ஆறு மாசத்துக்கு வரமாட்டேன் என்று எல்லாம் கற்பனை கதை சொன்னார்கள்.