நடிகர் விஜய் நடிப்பில் உருவாகியுள்ள பீஸ்ட் திரைப்படம் வருகிற 13 ஆம் தேதி வெளியாக உள்ள நிலையில், அதை ப்ரோமோட் செய்யும் விதமாக 10 ஆண்டுகளுக்கு பிறகு நடிகர் விஜய், சன் டிவிக்கு நேர்காணல் கொடுத்திருக்கிறார். இதில் பல விஷயங்களை பற்றி அவர் பேசியிருக்கிறார். அதில், தமிழ்நாட்டில் செயல்பட்டு வரும் துறைகளை பற்றி பேசினார்.
“அனைத்து துறைகளும் நன்றாக செயல்படுகின்றன காவல்துறை உட்பட. நன்றாக செயல்பட்டு வருகிறார்கள். சில சம்பவங்கள் முன்னெச்சரிக்கை இல்லாமல் நடந்து வருகின்றன. புதுக்கோட்டை சிறுவன் குண்டடி பட்டது போன்ற சம்பவங்களை தவிர்க்க, காவல்துறையினர் கூடுதல் முன்னெச்சரிக்கையுடன் இருக்க வேண்டும். புதுக்கோட்டை சம்பவம் நடைபெற்ற உடனேயே அந்த பயிற்சி மையம் மூடப்பட்டது வரவேற்கத்தக்கது. பொதுமக்கள் வாழும் பகுதிக்குள் துப்பாக்கி பயிற்சி மையங்கள் இருப்பதைத் தவிர்த்து, ஊருக்கு வெளியே பயிற்சி மையங்களை அமைக்க வேண்டும். கணினி வழியில் stimulator தொழில்நுட்பத்தில் துப்பாக்கிப் பயிற்சி மேற்கொள்ளலாம். முன்னெச்சரிக்கை இல்லாமல் நடக்கும் சம்பவங்களை தடுக்க என்ன வழி வகை செய்ய வேண்டும் என்பதை ஆராய வேண்டும். அதை சரி செய்தால் இன்னும் நன்றாக இருக்கும்” என்று கூறினார். விஜய்யின் இந்த பேச்சை வைத்துபார்க்கும்போது, தமிழ்நாட்டில் முதலமைச்சர் மு.க.ஸ்டாலின் சிறப்பாக ஆட்சி செய்து வருகிறார் என்பதையே விஜய் கூறுகிறார் என திமுகவினர் சொல்கின்றனர்.
சமீபத்தில் கூட, ஒரு திருமண நிகழ்ச்சியில் முதலமைச்சர் ஸ்டாலினும், நடிகர் விஜய்யும் சந்தித்துக் கொண்டனர். அப்போது, இருவரும் சிரித்த முகத்துடன் ஒருவரை நலம் விசாரித்துக்கொண்டனர். அதுதொடர்பான புகைப்படங்களும், வீடியோக்களும் சமூகவலைதளங்களில் வைரலாகி வந்தன.
விஜய்யின் இதற்கு முந்தைய படங்களில் ஆடியோ வெளியிட்டு விழாவில், அப்போதைய முதலமைச்சர் எடப்பாடி பழனிசாமியின் அதிமுக அரசை விஜய் மறைமுகமாக விமர்சித்திருந்தார். அந்த நேரத்தில் அது பேசுப்பொருளாகி அதிமுகவினரின் விமர்சனத்துக்கு விஜய் உள்ளானர்.
தற்போது, ‘பீஸ்ட்’ ஆடியோ நிகழ்ச்சிக்கு பதிலாக, விஜய்யிடம் நேர்க்காணல் எடுக்கப்பட்டு, அதை படத்தின் புரோமோஷனுக்காக படக்குழு உபயோகித்து வருகிறது. அதில், விஜய் திமுக அரசை பாராட்டியே பேசியுள்ளதாக தெரிகிறது.
பீஸ்ட் விஜய்
நடிகர் விஜய் நடிப்பில் நெல்சன் திலீப்குமார் இயக்கத்தில் வரும் ஏப்ரல் 13 ஆம் தேதி வெளியாக உள்ள பீஸ்ட் படத்தின் ட்ரெய்லர் வெளியாகியது. தமிழ் திரையுலகின் முன்னணி நடிகர் விஜய். ‘மாஸ்டர்’ படத்தின் வெற்றிக்கு பிறகு நடிகர் விஜய், இயக்குனர் நெல்சன் இயக்கத்தில் பீஸ்ட் (Beast) படத்தில் நடித்திருக்கிறார். இந்தப்படம் வருகிற ஏப்ரல் மாதம் 13-ம் தேதி வெளியாக உள்ளது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்