தென்னிந்திய நடிகை அதிதி ராவ் ஹைதரி மற்றும் நடிகர் சித்தார்த்தும் நீண்ட காலமாக காதலித்து வருவதாக பல வதந்திகள் பரவிவருகிறது. சமந்தப்பட்ட இருவரும் இதைகுறித்து பொது வெளியில் எதுவும் இதுவரை பேசியதில்லை. ஆனால் பிரபலங்களாகிய இருவரும் பொது இடங்களில் ஒன்றாக காணப்பட்டுள்ளனர். நடப்பவை அனைத்தும், எரியும் தீயில் எண்ணெயை ஊற்றியது போல் இருப்பதால் இவர்கள் நிஜமாகவே காதலித்து வருகின்றனர் என பேசப்படுகிறது.
செவ்வாய் கிழமையன்று நடந்த பொன்னியின் செல்வன் படத்தின் ட்ரைலர் மற்றும் இசை வெளியீட்டு விழாவில் இருவரும் பங்கு பெற்றனர். நடிகை அதிதி அழகான பிங்க் புடவையில் வந்து கலக்கினார். அதுபோல், நடிகர் சித்தார்த் புதுவிதமான க்ரே நிற அடை அணிந்து நிகழ்ச்சியில் பங்கேற்றார்.
இருவரும் ஒன்றாக அமர்ந்து இருந்த வீடியோ காட்சிகளிலும் நேரலையில் பதிவாகியுள்ளது. இந்நிகழ்ச்சியில் ரஜினிகாந்த், கமல் ஆகிய சிறப்பு விருந்தினர்களும் த்ரிஷா, கார்த்தி, ஜெயம் ரவி போன்ற படக்குழுவினரும் மற்ற திரை உலக பிரபலங்களும் கலந்து கொண்டனர்.
ஜுலை மாதத்தில், அதிதியும் சித்தார்த்தும் சிகை அலங்காரம் செய்யும் கடையில் காணப்பட்டனர். இருவரும் வரும் போது தனி தனியாக வந்தனர் ஆனால் செல்லும் போது ஒன்றாக சென்றனர். மஹா சமுத்திரம் படத்தில் இருவரும் ஒன்றாக நடித்தனர்.
நட்சத்திரங்களாகிய இருவரும் அடிக்கடி ஒன்றாக வெளியே செல்வதும் , ஒரே காரில் பயணிப்பதும் வழக்கம் என்றும் பேசப்படுகிறது.
இவர்கள் இருவரும், அவர் அவர்களின் பிறந்த நாளுக்கு மனம் உருகும் வாழ்த்துக்களையும் தெரிவித்து கொண்டனர்.