Just In
Watch Video: குடும்பத்துடன் அமெரிக்க சுதந்திர தினத்தை கொண்டாடிய நடிகர் நெப்போலியன்...
நடிகர் நெப்போலியன் தன் குடும்பத்துடன் அமெரிக்க சுதந்திர தினத்தை கொண்டாடியது தொடர்பான வீடியோ வெளியாகி உள்ளது.
நடிகர் நெப்போலியன் தன் குடும்பத்துடன் அமெரிக்க சுதந்திர தினத்தை கொண்டாடியது தொடர்பான வீடியோ தனது இன்ஸ்டாகிராம் பக்கத்தில் பகிர்ந்துள்ளார்.
தமிழ் சினிமாவில் மிகவும் பிரபலமான நடிகராக வலம் வந்தவர் நடிகர் நெப்போலியன். 1997 ஆம் ஆண்டு சினிமாவில் அறிமுகமானார். இவர் பாரதிராஜா இயக்கத்தில் வெளிவந்த புது நெல்லு புது நாத்து என்ற திரைப்படத்தின் மூலமாக சினிமாவிற்குள் அறிமுகமானார். அதன் பின்னர் பல திரைப்படங்களில் நடித்திருக்கின்றார். அதன் பிறகு தமிழில் இது நம்ம பூமி, சுயம்வரம், ஐயா, எட்டுப்பட்டி ராஜா, ஊர் மரியாதை, பங்காளி, மறவன், எஜமான் உள்ளிட்ட பல திரைப்படங்களை நடித்துள்ளார்.
இவர் திமுக சார்பில் போட்டியிட்டு ஒரு முறை எம்எல்ஏவாக இருந்தார். இவர் ஜெயசுதா என்பவரை திருமணம் செய்து கொண்டார்.இவர்களுக்கு தனுஷ் நெப்போலியன் மற்றும் குணால் நெப்போலியன் என இரண்டு மகன்கள் உள்ளனர். இவர் குடும்பத்துடன் அமெரிக்காவின் ஜென்சி மாகாணத்தில் வசித்து வருகிறார். இவருடைய மூத்த மகன் தனுஷ் நெப்போலியனுக்கு தசைவள குறைபாடு நோய் ஏற்பட்டது. இதனை சரி செய்வதற்காக நெப்போலியன் தன் குடும்பத்தினருடன் அமெரிக்காவில் தங்கி மருத்துவ சிகிச்சை எடுத்து வருகின்றார்.
சமூக வலைதள பக்கங்களில் எப்போதும் ஆக்டிவாக இருக்கக்கூடிய நெப்போலியன் அவ்வப்போது தனது குடும்பத்துடன் எடுத்துக் கொள்ளும் புகைப்படங்களை வெளியிட்டு வருவார். அந்த வகையில் கடந்த ஜூலை நான்காம் தேதி அமெரிக்காவின் சுதந்திர தினம் கொண்டாடப்பட்டது. அந்த தினத்தில் அனைவரும் ஒன்றாக இணைந்து தெருக்களில் அந்த சுதந்திர தினத்தை கொண்டாடி மகிழ்வார்கள். அப்படி நெப்போலியன் தனது குடும்பத்துடன் இணைந்து கொண்டாடியது தொடர்பான வீடியோவை நெப்போலியன் தனது இன்ஸ்டாகிராம் பக்கத்தில் பகிர்ந்துள்ளார்.
மேலும் படிக்க