Just In
Nagarjuna : பிரபலங்களை ஆடவைக்கும் வேட்டையன் மனசிலாயோ பாடல்.. நடிகர் நாகர்ஜூனா வைரல் வீடியோ
ரஜினியின் வேட்டையன் படத்தின் மனசிலாயோ பாடலுக்கு தெலுங்கு சூப்பர்ஸ்டார் நாகர்ஜூனா நடனமாடிய வீடியோ சமூக வலைதளத்தில் வைரலாகி வருகிறது
வேட்டையன்
ரஜினிகாந்த் நடித்துள்ள வேட்டையன் படம் வரும் அக்டோபர் 10 ஆம் தேதி வெளியாக இருக்கிறது. த.ச ஞானவேல் இயக்கியிருக்கும் இப்படத்தை லைகா ப்ரோடக்ஷன்ஸ் தயாரித்துள்ளது. அனிருத் இசையமைத்துள்ளார். அமிதாப் பச்சன், ஃபகத் ஃபாசில் , துஷாரா விஜயன் , மஞ்சு வாரியர் , ரித்திகா சிங் உள்ளிட்டவர்கள் இப்படத்தில் நடித்துள்ளார்கள். வேட்டையன் படத்தின் இசை வெளியீட்டு விழா வரும் செப்டம்பர் 20 ஆம் தேதி திரையரங்குகளில் வெளியாக இருக்கிறது.
ரசிகர்களை கவர்ந்த மனசிலாயோ பாடல்
வேட்டையன் படத்தின் மனசிலாயோ பாடல் சமீபத்தில் வெளியாகியது. சூப்பர் சுப்பு மற்றும் விஷ்ணு எடவன் இணைந்து இப்பாடலை எழுதியுள்ளார்கள். இப்பாடலில் மறைந்த பாடகர் மலேசியா வாசுதேவனி குரலி ஏஐ மூலம் அனிருத் உருவாக்கி இருக்கிறார். வேட்டையன் திரைப்படம் தமிழ்நாடு கேரளா எல்லைப்பகுதியில் நடக்கும் கதை என்பதால் மலையாள பாரம்பரிய இசையையும் ராப் இசையையும் கலந்த ஜானரில் இப்பாடலுக்கு அனிருத் இசையமைத்துள்ளார். வெளியாகிய சில மணி நேரங்களில் இருந்தே தமிழ் , தெலுங்கு , மலையாளம் என அனைத்து மொழிகளிலும் வைரலானது இப்பாடல். மேலும் ஓனம் கொண்டாட்டத்தின் போது வெளியாகியதால் இப்பாடல் ரீல்ஸ்களில் ட்ரெண்டாகி வருகிறது.
ரஜினி தற்போது நடித்து வரும் கூலி படக்குழுவினரோடு சேர்ந்து அவர் நடனமாடிய வீடியோ நேற்று செப் 15 ஆம் தேதி இணையத்தில் வெளியாகி வைரலானது. இதனைத் தொடர்ந்து பல்வேறு திரைப்பிரபலங்களும் இப்பாடலுக்கு நடனமாடி வீடியோ வெளியிட்டு வருகிறார்கள். அந்த வகையில் தற்போது நடிகர் நாகர்ஜூனா மனசிலாயோ பாடலுக்கு நடனமாடியுள்ள வீடியோ சமூக வலைதளத்தில் வைரலாகி வருகிறது.
மனசிலாயோ பாடலுக்கு நாகர்ஜூனா நடனம்
லோகேஷ் கனகராஜ் இயக்கத்தில் ரஜினி நடித்து வரும் கூலி படத்தில் நாகர்ஜூனா முக்கிய கதாபாத்திரத்தில் நடித்து வருகிறார். இவர்கள் தவிர்த்து சத்யராஜ் , செளபின் சாஹிர் , ஸ்ருதி ஹாசன் ம், உபேந்திரா ஆகியவர்கள் இப்படத்தில் நடித்து வருகிறார்கள். தெலுங்கு பிக் பாஸ் நிகழ்ச்சியை நாகர்ஜூனா தொகுத்து வழங்கி வருகிறார். இந்த நிகழ்ச்சியில் நாகர்ஜூனா வேட்டையன் மனசிலாயோ பாடலுக்கு நடனமாடியுள்ளார். இந்த வீடியோ தற்போது வைரலாகி வருகிறது.