நடிகர் கெளதம் கார்த்திக் தனது பிறந்தநாளுக்கு வாழ்த்து தெரிவித்த அனைவருக்கும் நன்றி என கூறி அறிக்கை வெளியிட்டு இருக்கிறார்.
பிரபல நடிகர் கார்த்திக்கின் மகன் கெளதம் கார்த்திக். கடந்த 2013 ஆம் ஆண்டு மணிரத்னம் இயக்கிய 'கடல்' படம் மூலமாக தமிழ் சினிமாவிற்கு அறிமுகமான இவர் தொடர்ந்து, ‘வை ராஜா வை’, ‘ரங்கூன்’, ‘ஒரு நல்ல நாள் பாத்து சொல்றேன்’ ‘மிஸ்டர். சந்திரமெளலி, ‘ தேவராட்டம்’ உள்ளிட்ட பல படங்களில் நடித்துள்ளார். இவர் நடிப்பில் அடுத்தாக ‘பத்து தல’ மற்றும் August 16, 1947 ஆகிய படங்கல் வெளியாக உள்ளது.
இவர் தனது 33 ஆவது பிறந்தநாளை நேற்று கொண்டாடினார். இதனை முன்னிட்டு அவருக்கு பிரபலங்கள் மட்டுமல்லாது ரசிகர்கள் பலரும் அவருக்கு பிறந்தநாள் வாழ்த்துகளை தெரிவித்தனர். பிறந்தநாளை முன்னிட்டு ‘பத்து தல’ படத்தில் இருந்து போஸ்டர் ஒன்றும் வெளியிடப்பட்டது.
இந்த நிலையில் அதற்கு நன்றி தெரிவிக்கும் வகையில் கெளதம் கார்த்திக் தனது இன்ஸ்டாகிராம் பக்கத்தில் அறிக்கை ஒன்றை வெளியிட்டு இருக்கிறார்.
அந்த அறிக்கையில், “ அனைவருக்கும் நன்றி மிகவும் சிறப்பான பிறந்தநாளாக மாற்றி இருக்கிறீர்கள். நேற்று நீங்கள் காட்டிய அன்பிலும், ஆதரவிலும் மேலும் வாழ்த்து மழையிலும் முழுவதுமாக மூழ்கி மகிழ்ந்துக்கொண்டிருக்கிறேன்..
உங்கள் ஒவ்வொருவரின் வாழ்த்துக்களையும் படித்து மகிழ்ச்சியடைந்தேன். உங்கள் ஒவ்வொருவரையும் தனித்தனியாக சந்தித்து நன்றி சொல்ல வேண்டும் என்று விரும்புகிறேன். இதனை, என்னுடைய தனிப்பட்ட நன்றி மடலாக ஏற்றுக் கொள்ள வேண்டும் என்று கேட்டுக்கொள்கிறேன்.
என் மீது எப்போதும் தாராள மனப்பான்மையையும் நல்ல எண்ணங்களையும் கொண்டு மேலும் நான் எடுக்கும் ஒவ்வொரு முயற்சியையும் ஊக்கப்படுத்தும் என்னு னுடைய ரசிகர்கள் மற்றும் என் மீது அக்கறை கொண்டவர்களையும் இந்நேரத்தில் நான் குறிப்பிட்டு நன்றி சொல்ல கடமைப்பட்டிருக்கிறேன்.
என்னை வழிநடத்தி எப்படி என் எதிர்காலத்தை பிரகாசிக்க செய்தீர்களோ அதை போல் நீங்கள் ஒவ்வொருவரும் உங்கள் வாழ்வின் பல படிகள் கடந்து பலருக்கும் எடுத்துக்காட்டாக விளங்க வேண்டும் என்று விரும்புகிறேன்.” என்று பதிவிட்டு இருக்கிறார்.