Just In
Cobra Audio Launch : ”உங்களை மாதிரி நானும் இங்க ரசிகனாதான் வந்திருக்கேன்”.... கோப்ரா இசை வெளியீட்டு விழாவில் துருவ்..!
கோப்ரா படத்தின் இசை வெளியீட்டு விழா இன்று சென்னை பீனிக்ஸ் மாலில் நடைபெற்று வருகிறது.
தமிழ் திரையுலகின் பிரபல நடிகர் விக்ரம். இவரது நடிப்பில் தற்போது கோப்ரா படம் உருவாகியுள்ளது. இயக்குனர் அஜய் ஞானமுத்து இயக்கத்தில் அவர் நடித்து வரும் படம் கோப்ரா படம் வரும் ஆகஸ்ட் 11-ந் தேதி வெளியாக உள்ளது. ஏ.ஆர்.ரஹ்மான் இசையமைத்துள்ள இப்படத்தினை செவன் ஸ்கிரீன் ஸ்டுடியோஸ் தயாரித்துள்ளது. இந்த படத்தின் பெரும்பாலான காட்சிகள் ரஷ்யாவில் படமாக்கப்பட்டது என்பது குறிப்பிடத்தக்கது.
இந்த நிலையில், இந்த படத்தின் புதிய அப்டேட்டை படத்தின் தயாரிப்பு நிறுவனமான செவன்த் ஸ்கிரீன் ஸ்டுடீயோஸ் புதிய அப்டேட்டை தனது ட்விட்டர் பக்கத்தில் வெளியிட்டது. இந்த அறிவிப்பின்படி, கோப்ரா படத்தின் ஆடியோ வெளியீட்டு விழா (இன்று) ஜுலை 11 ம் தேதி நடைபெறும் எனவும், இந்த நிகழ்ச்சி வேளச்சேரியில் உள்ள பீனிக்ஸ் மாலில் நடைபெறும் என அறிவித்தது.
ரசிகர்களின் பெரும் எதிர்பார்ப்பில் இருக்கும் இப்படத்தின் இசை வெளியீட்டு விழா இன்று சென்னை பீனிக்ஸ் மாலில் நடைபெற்று வருகிறது.
இந்த ஆடியோ வெளியீட்டு விழாவில் பல முன்னணி நடிகர்கள், இசையமைப்பாளர் ஏ.ஆர். ரஹ்மான் உள்ளிட்ட பல கலைஞர்கள் கலந்து கொண்டனர். அதேபோல், நடிகர் விக்ரமின் மகன் துருவ் விக்ரம் கலந்து கொண்டு பேசினார். அப்பொழுது அவர், உங்களை மாதிரி நானும் இங்க ரசிகனாதான் வந்திருக்கேன். சின்ன வயசுல இருந்து நான் ஏ.ஆர். ரஹ்மான் பேன். அவரை பார்ப்பதற்கும் நான் இங்கே வந்திருக்கேன் என்று ஆங்கிலத்தில் பேசினார். அப்பொழுது நடிகர் விக்ரம் துருவை கிண்டல் செய்யும் விதமாக ஆங்கிலத்தில் பேசிய துருவை தமிழில் பேசு என்ற அன்பு கட்டளையிட்டார்.
தொடர்ந்து மலையாள நடிகர் ரோஷன் மேத்வ் பேசுகையில், இது மாதிரியான படத்தை நான் செய்தது இல்லை. ஏ. ஆர் ரஹ்மான் இசையை கேட்க ஆவலாக இருக்கிறேன். எல்லோருக்கும் விக்ரம் எப்படியான நடிகர் என்பது தெரியும். முதல் இரண்டு நாட்களில் அவரை நான் சந்திக்க முடியவில்லை. அவரை பார்க்க வேண்டும் நான் எனது உதவியாளரை அனுப்பினேன். ஆனால் விக்ரம் எனது கே ர வனுக்கு அருகில் வந்து எனது உதவியாளரிடம் என்னை பார்க்க முடியுமா என்று கேட்டார். இந்த மாதிரியான மனித நேயத்தை நான் பார்த்ததில்லை என்று தெரிவித்தார்.
அடுத்ததாக இயக்குநர் கே.எஸ். ரவிக்குமார் கோப்ரா படத்தின் இயக்குநர் அஜய் ஞானமுத்து குறித்து பேசினார். அதில், அஜய் ஞானமுத்துக்கு நிச்சயம் விருது கிடைக்கும்.அவனின் உழைப்பு அபாரமானது என்று தெரிவித்தார். இப்படி ஒருபுறம் அனைவரும் பேசிக்கொண்டு இருக்க ஏஆர்.ரஹ்மான் மற்றும் உதயநிதி ஸ்டாலின் சிரித்து பேசிய வீடியோ இணையத்தில் வைரலாகி வருகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்