குழந்தை பிறந்த செய்தி குறித்து அவர் தனது ட்விட்டர் பக்கத்தில் கூறியதாவது, “ எங்களது புதிய அன்பை நாங்கள் வரவேற்கிறோம்.. ஒரு குட்டி தேவதை இன்று நேற்று பிறந்திருக்கிறாள்.” என்று பதிவிட்டுள்ளார்.
முன்னதாக, லயோலா கல்லூரியில் பட்டப்படிப்பு முடித்த அருள்நிதி மேற்ப்படிப்பை பாண்டிச்சேரி பல்கலைகழகத்தில் முடித்தார். கடந்த 2015 ஆம் ஆண்டு அருள் நிதிக்கும் கீர்த்தனா என்பவருக்கும் திருமணம் நடந்தது.
இவர்களுக்கு மகிழ் என்ற மகன் உள்ள நிலையில் தற்போது பெண் குழந்தை பிறந்துள்ளது. தமிழ் சினிமாவில் வம்சம் படம் மூலம் அறிமுகமான அருள் நிதி அதனைத்தொடர்ந்து உதயன், மெளன குரு, டிமாண்டி காலணி' களத்தில் சந்திப்போம் உள்ளிட்ட பல படங்களில் நடித்துள்ளார்.
இதில் டிமாண்டி காலனி மற்றும் மெளன குரு உள்ளிட்ட படங்கள் அருள் நிதிக்கு நல்ல பெயரை பெற்றுத் தந்தது. இவருக்கு விஜய் டிவியின் சிறந்த அறிமுக நடிகருக்கான விருது வழங்கப்பட்டது குறிப்பிடத்தக்கது. தற்போது அருள் நிதி டைரி, டி பிளாக், தேஜாவு உள்ளிட்ட படங்களில் நடித்து வருகிறார்.