தமிழ் திரையுலகின் முன்னணி நடிகராக உலா வருபவர் அஜித்குமார். இவர் திரையுலகில் நடிகராக அறிமுகமாகி இன்றுடன் 32 ஆண்டுகள் ஆகிறது. இவர் தற்போது விடாமுயற்சி மற்றும் குட் பேட் அக்லி திரைப்படத்தில் நடித்து வருகிறார்.


குட் பேட் அக்லி அப்டேட்:


அஜித் திரையுலகிற்கு அறிமுகமாகி 32 ஆண்டுகள் ஆகியதைத் தொடர்ந்து, இன்று அவர் நடிக்கும் குட் பேட் அக்லி படத்தின் முக்கிய அப்டேட் வெளியாகிறது. ஆதிக் ரவிச்சந்திரன் இயக்கி வரும் இந்த படத்தின் போஸ்டர் மற்றும் புகைப்படங்கள் ஏற்கனவே வெளியாகி அஜித் ரசிகர்களை உற்சாகப்படுத்தியுள்ளது. இந்த நிலையில், தற்போது குட் பேட் அக்லி படத்தின் முக்கிய அப்டேட் இன்று வருகிறது.


இந்த அப்டேட் மாலை 5.32 மணிக்கு வெளியாகிறது. விடாமுயற்சி படத்தின் போஸ்டர் ஒன்று ஏற்கனவே காலை வெளியாகியது. ரத்தம் வடியும் முகத்துடன் இருப்பது போல விடாமுயற்சி படத்தின் போஸ்டர் வெளியாகியுள்ளது. இந்த சூழலில், ஒரே நாளில் இரட்டை விருந்தாக குட் பேட் அக்லி படத்தின் முக்கிய அப்டேட் வெளியாகிறது.


விறுவிறுப்பாகும் விடாமுயற்சி:


குட் பேட் அக்லி படத்திற்கு தேவி ஸ்ரீ பிரசாத் இசையமைக்கிறார். இந்த படத்தில் அஜித்துடன் பிரபல தெலுங்கு நடிகர் சுனில் நடிப்பதாகவும் தகவல் வெளியாகியுள்ளது. பிரபல தெலுங்கு பட தயாரிப்பு நிறுவனமான மைத்ரி மூவி மேக்கர்ஸ் இந்த படத்தை தயாரித்துள்ளனர். இந்த படம் அடுத்தாண்டு பொங்கல் விருந்தாக திரைக்கு வருகிறது. இந்த படத்தின் படப்பிடிப்பு விறுவிறுப்பாக நடைபெற்று வருகிறது.


அதேபோல, விடாமுயற்சி படத்தின் படப்பிடிப்பு இறுதிக்கட்டத்தில் இருப்பதால் விரைவில் விடாமுயற்சி படத்தின் வெளியீடு தேதி வெளியாகும் என்று எதிர்பார்க்கப்படுகிறது. விடாமுயற்சி படத்தில் அஜித்துடன் த்ரிஷா, அர்ஜூன், சஞ்சய்தத் உள்ளிட்ட பலரும் நடித்துள்ளனர். இந்த படத்திற்கு அனிருத் இசையமைத்துள்ளார்.


அஜித் திரைக்கு வந்து 32 ஆண்டுகள் ஆனதை கொண்டாடும் வகையில் அவரது விடாமுயற்சி மற்றும் குட்பேட் அக்லி படத்தின் அப்டேட்கள் அடுத்தடுத்து வருவது ரசிகர்கள் மத்தியில் மகிழ்ச்சியை ஏற்படுத்தியுள்ளது. நடிகர் அஜித் நடிப்பில் கடைசியாக துணிவு படம் வெளியாகி இருந்தது. அதன்பின்பு எந்த படமும் வெளியாகாமல் இருந்த நிலையில், பல்வேறு சிக்கல்களுக்கு பிறகு விடாமுயற்சி தொடங்கப்பட்டது. விடாமுயற்சி படத்தின் படப்பிடிப்பு மெதுவாக நடைபெற்ற நிலையில், குட் பேட் அக்லி படத்தின் படப்பிடிப்பு விறுவிறுப்பாக நடைபெற்று வருகிறது.  விடாமுயற்சி படம் இந்தாண்டு தீபாவளி கொண்டாட்டமாக வெளியாகும் என்று எதிர்பார்க்கப்படுகிறது.