ஃபரா கான் இயக்கத்தில் பாலிவுட் கிங் ஆஃப் கான் ஷாருக்கான் நடிப்பில் 2007ம் ஆண்டு வெளியான பிளாக் பஸ்டர் ஹிட் திரைப்படம் 'ஓம் ஷாந்தி ஓம்'. இந்த திரைப்படம் வெளியாகி இன்றுடன் 15 ஆண்டுகளை நிறைவு செய்கிறது. இப்படம் மூலம் பாலிவுட் சினிமாவில் அறிமுகமானவர் தீபிகா படுகோன்.
நெட் பிளிக்ஸ் கொண்டாடும் 'ஓம் சாந்தி ஓம்':
'ஓம் சாந்தி ஓம்' படத்தின் 15ம் ஆண்டு நிறைவு நாளான இன்று இந்த உலகத்தையே சுழல வைத்த ஷாருக்கான் - தீபிகா படுகோன் நடித்த 'ஓம் ஷாந்தி ஓம்' திரைப்படத்தை கொண்டாடும் விதமாக நெட்பிளிக்ஸில் நேற்று இரவு 'ஓம் சாந்தி ஓம்' திரைப்படம் ஒளிபரப்பு செய்யப்பட்டது. இதன் மூலம் ஒட்டுமொத்த உலகமே அப்படத்தினை கண்டு ரசித்தனர். பாலிவுட் ரசிகர்கள் இந்த நாளை தங்களின் நினைவுகளுடம் கொண்டாடிவருகிறார்கள்.
தேசிய விருதுகளை குவித்த ஆல் டைம் ஃபேவரட் :
தீபாவளி ரிலீஸாக வெளியான இப்படம் ஒரு சூப்பர் ஹிட் வெற்றிப்படமாக அமைந்தது. கிட்டத்தட்ட 147 கோடி வசூல் செய்து 2007ம் ஆண்டு பாலிவுட்டில் வெளியான படங்களிலேயே அதிகமாக வசூலித்த திரைப்படம் என்று கொண்டாடப்பட்டது. ஓம் சாந்தி ஓம் திரைப்படத்திற்கு சிறந்த நடிகர், சிறந்த நடிகை, சிறந்த இயக்குனர், சிறந்த துணை நடிகை, சிறந்த அறிமுக நடிகை என பல தேசிய விருதுகளை குவித்தது.
மீண்டும் இணையும் ஷாருக்கான் - தீபிகா படுகோன் காம்போ :
நடிகர் ஷாருக்கான் ரசிகர்கள் கொண்டாடிய இப்படம் 15 ஆண்டுகளை கடந்தும் இன்றும் அதே வரவேற்பு கிடைப்பது தான் இப்படத்தின் உண்மையான வெற்றி. தீபிகா படுகோன் அறிமுகமான முதல் படமே அவருக்கு ஒரு சரியான வாய்ப்பாக அமைந்தது. ஷாருக்கான் - தீபிகா படுகோன் காம்போ அதனை தொடர்ந்து சென்னை எக்ஸ்பிரஸ் மற்றும் ஹேப்பி நியூ இயர் படங்களில் நடித்திருந்தனர். அதனை தொடர்ந்து மீண்டும் இந்த ஜோடி 'பதான்' திரைப்படத்தில் மீண்டும் இணைவது ரசிகர்களுக்கு அளவில்லா ஒரு சந்தோஷத்தை கொடுத்துள்ளது.