லியோ திரைப்படத்தின் நடிகர் விஜய் பாடிய நான் ரெடி பாடல் அவரது பிறந்த நாளான ஜூன் 22-ஆம் தேதி வெளியாக இருக்கிறது. தற்போது இந்தப் பாடலின் ப்ரோமோ ஒன்று வெளியிடப் பட்டிருக்கிறது. தொடக்கக் காலத்தின் விஜய் பாடிய பாடல்களில் வரும்  “இந்தப் பாடலைப் பாடியது உங்கள் விஜய்” என்கிற வாக்கியம் பல வருடங்களுக்குப்  பிறகு மீண்டும் இந்தப் பாடலில் இடம்பெற்றுள்ளது. இந்த வாக்கியத்துடன் வெளிவந்த முதல் பத்துப் பாடல்களை பார்க்கலாம்.


பம்பாய் சிட்டி சுக்கா ரொட்டி


1994-ஆம் ஆண்டு வெளியான ரசிகன் திரைப்படத்தில் முதல் முறையாக ஒரு பாடகராக அறிமுகமானார் விஜய். இந்தப் படத்தில் இடம்பெற்ற பம்பாய் சிட்டி சுக்கா ரொட்டி என்கிற குத்துப்பாட்டை பாடியிருப்பார் . விஜய்யை முதல் முதலாக பாட வைத்த பாராட்டு தேனிசைத் தென்றல் தேவாவையே சேரும்.இந்தப் பாடலில்தான் முதல் முறையாக திரையில் “இந்தப் பாடலைப் பாடியது உங்கள் விஜய்” என்று பாடகராக ரசிகர்களுக்கு அறிமுகம் செய்யப்பட்டார் விஜய்.


அய்யய்யோ அலமேலு


தொடர்ந்து 1995-ஆம் ஆண்டு வெளியான தேவா திரைப்படத்தில் அய்யய்யோ அலமேலு என்கிற மற்றொரு குத்துப் பாடலைப் பாடினார் விஜய். ரசிகன் திரைப்படத்தில் அவர் பாடிய பாடல் பரவலான வரவேற்பைப் பெற்றதை தொடர்ந்து இரண்டாவது முறையாகவும் தேவா இசையில் பாடினார் விஜய். இந்த முறை ஒன்றல்ல ஒரே படத்தில் இரண்டு பாடல்களை பாடினார் அவர். மற்றொரு பாடலான கோத்தகிரி குப்பம்மா என்கிற பாடலையும் பாடியிருந்தார் விஜய்.


தொட்டபெட்டா ரோட்டுமேல


அதே வருடம் வெளியான மற்றொரு திரைப்படமான விஷ்னு படத்தில் தொட்டபட்டா ரோட்டு மேல முட்ட பரோட்டா என்கிறப் பாடலையும் பாடினார் விஜய். விஜய் ஒரு படத்தில் பாடினார் என்றால் அந்தப் படம் நிச்சயம் வெற்றிபெறும் என்கிற நம்பிக்கை உருவாகத் தொடங்கியது.


பம்பாய் பார்ட்டி ஷில்பா ஷெட்டி


தொடர்ந்து தேவா இசையில் பாடி வந்த விஜய் அடுத்ததாக வித்யாசாகரின் இசையில் பாடினார். கோயம்புத்தூர் மாப்பிள்ளை திரைப்படத்தில் இடம்பெற்ற பம்பாய் பார்ட்டி ஷில்பா ஷெட்டி என்கிறப் பாடல் அது.


திருப்பதி போனா பட்ட


மாண்புமிகு மாணவன் திரைப்படத்தில் திருப்பதி போனா பட்ட பட்ட என்கிற பாடலைப் பாடினார். சபேஷ் முரளி இந்தப் பாடலிற்கு இசையமைத்திருந்தார்.


சிக்கன் கறி


செல்வா திரைப்படத்தில் சிக்க கறி என்கிற குத்துப்பாடலைப் பாடினார். சிற்பி இந்தப் பாடலிற்கு இசையமைத்தார்.


ஊர்மிளா ஊர்மிளா


ஒன்ஸ் மோர் திரைப்படத்தில் ஊர்மிளா ஊர்மிளா என்கிறப் பாடலைப் பாடினார் விஜய்.