அதிமுக கூட்டணியில் தொகுதி பங்கீடு
தமிழக சட்டமன்ற தேர்தலுக்கான தேதி நெருங்கி வரும் நிலையில், அரசியல் கட்சிகள் கூட்டணி, தொகுதி பங்கீடு, வேட்பாளர் தேர்வை இறுதி கட்டத்தை எட்டியுள்ளது. அந்த வகையில் எதிர்கட்சியான அதிமுக தனது கூட்டணியில் உள்ள பாஜக, பாமக, அமமுக ஆகிய கட்சிகளுக்கு தொகுதியை ஒதுக்கியுள்ளது. பாஜகவிற்கு 27, பாமகவிற்கு 18 தொகுதிகள் மற்றும் அமமுகவிற்கு 11 தொகுதிகள் ஒதுக்கப்பட்டுள்ளது. இதனையடுத்து மற்ற கட்சிகளுக்கு தொகுதிகள் ஒதுக்கீடு செய்யும் பணியானது இறுதி கட்டத்தை எட்டியுள்ளது. இந்த நிலையில் இன்று மாலை அதிமுகவின் தேர்தல் அறிக்கை வெளியிடப்படவுள்ள நிலையில், வேட்பாளர் பட்டியலும் விரைவில் வெளியிடப்படவுள்ளது.
இபிஎஸ் பிரச்சாரம்
இந்த நிலையில் அதிமுக பொதுச்செயலாளர் எடப்பாடி பழனிசாமி நாளை முதல் தமிழகம் முழுவதும் பிரச்சாரத்தை தொடங்கவுள்ளார். ஏப்ரல் 23, 2026 அன்று நடைபெற உள்ள சட்டமன்றத் தேர்தலை முன்னிட்டு, கட்சியின் வேட்பாளர்களுக்கு ஆதரவு திரட்டும் வகையில் இந்த பயணம் திட்டமிடப்பட்டுள்ளது. இது தொடர்பான சுற்றுப்பயண விவரத்தை அதிமுக தலைமை அலுவலகம் வெளியிட்டுள்ளது. மார்ச் 25, 2026 முதல் ஏப்ரல் 1, 2026 வரை நடைபெறுகிறது.
தேர்தல் பிரச்சார தேதி அறிவிப்பு
- மார்ச் 25 ஆம் தேதி சென்னை மயிலாப்பூரில் பிற்பகல் 3.30 மணிக்கு பிரச்சாரம் தொடங்குகிறது.
- மார்ச் 27- காஞ்சிபுரம் மாவட்டம் ஆலந்தூரில் மாலை 4 மணிக்கும், செங்கல்பட்டு மாவட்டம் தாம்பரத்தில் மாலை 6 மணிக்கு பிரச்சாரம்
- மார்ச் 28 - சென்னை ஆர்.கே. நகர் பகுதியில் மாலை 4 மணிக்கும், திருவள்ளூர் மாவட்டம் திருத்தணியில் மாலை 6 மணிக்கும் பிரச்சாரம்
- மார்ச் 29 - கன்யாகுமரி மாவட்டம் நாகர்கோவில் பகுதியில் மாலை 4.30 மணிக்கும், திருநெல்வேலி மாவட்டம் ராதாபுரம் பகுதியில் மாலை 5.30 மணிக்கும் பிரச்சாரம் நடைபெறும்
- மார்ச் 30 - தென்காசி மாவட்டம் கிழநெல்லி பகுதியில் மாலை 4 மணிக்கும், தூத்துக்குடி மாவட்டம் கோவில்பட்டியில் மாலை 6 மணிக்கும் பிரச்சாரம்
- மார்ச் 31 - விருதுநகர் மாவட்டம் சிவகாசியில் மாலை 4 மணிக்கும், இராமநாதபுரம் மாவட்டம் பரமக்குடியில் மாலை 6 மணிக்கும் கூட்டங்கள் நடைபெறும்.
- ஏப்ரல் 1 - சிவகங்கை மாவட்டம் சிவகங்கையில் மாலை 4 மணிக்கும், புதுக்கோட்டை மாவட்டம் புதுக்கோட்டையில் மாலை 6 மணிக்கும் சுற்றுப்பயணம் நிறைவடைகிறது. அடுத்தக்கட்ட சுற்றுப்பயணம் தொடர்பான பட்டியில் விரைவில் வெளியிடப்பட்டுள்ளது.