நாடாளுமன்றத் தேர்தலை முன்னிட்டு 1 முதல் 9ஆம் வகுப்பு வரையிலான வகுப்புகளுக்கு முன்கூட்டியே ஏப்.2 முதல் 12 வரை ஆண்டுத் தேர்வுகளை நடத்த வேண்டும் என்று பள்ளிக் கல்வித்துறை உத்தரவு பிறப்பித்துள்ளது. தொடர்ந்து ஏப்ரல் 13 முதல் கோடை விடுமுறை அளிக்கப்படும் என்றும் அறிவிப்பு வெளியாகி உள்ளது.


தமிழ்நாட்டு மாநிலக் கல்வி வாரியத்தின்கீழ் படிக்கும் மாணவர்களுக்கு 12ஆம் வகுப்புப் பொதுத்தேர்வு தொடங்கி நடைபெற்று வருகிறது. நாளையுடன் (மார்ச் 22) தேர்வு முடிகிறது. 10ஆம் வகுப்பு மாணவர்களுக்கு பொதுத் தேர்வு மார்ச் 26ஆம் தேதி தொடங்கி ஏப்ரல் 8ஆம் தேதி வரை நடைபெற உள்ளது. மக்களவைத் தேர்தலைக் கருத்தில் கொண்டு, முன்கூட்டியே தேர்வு நடைபெற உள்ளது. 


இந்த நிலையில், 1 முதல் 9ஆம் வகுப்பு மாணவர்களுக்கான ஆண்டு இறுதித் தேர்வு எப்போது நடைபெறும் என்று கேள்வி எழுந்தது. இதையடுத்து 1 முதல் 9ஆம் வகுப்பு வரையிலான வகுப்புகளுக்கு முன்கூட்டியே ஏப்.2 முதல் 12 வரை ஆண்டுத் தேர்வுகளை நடத்த வேண்டும் என்று பள்ளிக் கல்வித்துறை உத்தரவு பிறப்பித்துள்ளது.


தேர்வு அட்டவணை இதோ!


இதன்படி 1 முதல் 5ஆம் வகுப்பு வரையிலான மாணவர்களுக்கு ஏப்.2 முதல் 12 வரை ஆண்டுத் தேர்வுகள் நடைபெற உள்ளன. குறிப்பாக ஏப்ரல் 2ஆம் தேதி மொழித் தேர்வு நடைபெற உள்ளது. ஏப்ரல் 3ஆம் தேதி ஆங்கிலப் பாடத்துக்கான ஆண்டுத் தேர்வு நடைபெற உள்ளது. அதேபோல ஏப்ரல் 5ஆம் தேதி கணிதப் பாடத்துக்கான தேர்வு நடைபெற உள்ளது. 


தொடர்ந்து 4 மற்றும் 5ஆம் வகுப்பு  மாணவர்களுக்கு ஏப்ரல் 10ஆம் தேதி அறிவியல் பாடத்துக்கான தேர்வு நடைபெற உள்ளது. ஏப்ரல் 12ஆம் தேதி சமூக அறிவியல் பாடத்துக்கான தேர்வு நடைபெற உள்ளது. இதில், ஏப்ரல் 8ஆம் தேதி சிறுபான்மையின மாணவர்களுக்கான மொழிப்பாடத் தேர்வு நடைபெறுகிறது. 




 


6 முதல் 9ஆம் வகுப்பு மாணவர்களுக்கு எப்போது?




அதேபோல 6 முதல் 9ஆம் வகுப்பு வரையிலான மாணவர்களுக்கு ஏப்.2 முதல் 12 வரை ஆண்டுத் தேர்வுகள் நடைபெற உள்ளன. குறிப்பாக ஏப்ரல் 2ஆம் தேதி மொழித் தேர்வு நடைபெற உள்ளது. ஏப்ரல் 3ஆம் தேதி ஆங்கிலப் பாடத்துக்கான ஆண்டுத் தேர்வு நடைபெற உள்ளது. அதேபோல ஏப்ரல் 4ஆம் தேதி உடற்கல்வி பாடத்துக்கான தேர்வு நடைபெற உள்ளது. 


தொடர்ந்து  மாணவர்களுக்கு ஏப்ரல் 5ஆம் தேதி கணிதத்துக்கும் ஏப்ரல் 8 விருப்பப் பாடத்துக்கும் தேர்வு நடைபெறுகிறது. ஏப்ரல் 10ஆம் தேதி அறிவியல் பாடத்துக்கான தேர்வு நடைபெற உள்ளது. ஏப்ரல் 12ஆம் தேதி சமூக அறிவியல் பாடத்துக்கான தேர்வு நடைபெற உள்ளது. 


கோடை விடுமுறை எப்போது?


தொடர்ந்து ஏப்ரல் 13 முதல் கோடை விடுமுறை அளிக்கப்படும் என்றும் அறிவிப்பு வெளியாகி உள்ளது.