மயிலாடுதுறை மாவட்டத்தில் இந்திய மருத்துவம் மற்றும் ஓமியோபதி மருத்துவ பட்ட படிப்புக்கான விண்ணப்பங்கள் வரவேற்கப்படுவதாக மாவட்ட ஆட்சியர் ஹெச்.எஸ்.ஸ்ரீகாந்த் தெரிவித்துள்ளார். இது தொடர்பான அவர் வெளியிட்டுள்ள செய்திக் குறிப்பில் கூறியதாவது;

மருத்துவக் கல்வி

2025 - 2026 -ம் கல்வியாண்டில் அரசு மற்றும் சுயநிதி யோகா மற்றும் இயற்கை மருத்துவக் கல்லூரிகளில் உள்ள அரசு ஒதுக்கீட்டு இடங்கள் மற்றும் நிர்வாக ஒதுக்கிட்டு இடங்களுக்கான பி.என்.ஒய்.எஸ். ( யோகா மற்றும் இயற்கை மருத்துவம் ) பட்டப் படிப்பு சேர்க்கைக்கான இணையவழி விண்ணப்பங்கள் (Online Applications) தனித்தனியாக தகுதியுள்ளவர்களிடமிருந்து வரவேற்கப்படுகின்றன.

இணையதளத்தில் விண்ணப்பம் 

பட்டப் படிப்புக்கான பி.என்.ஓய்.எஸ் தகவல் தொகுப்பேட்டினை www.thealth.tn.gov.in, www.thaysuhselection.org என்ற வலைதளங்களில் பதிவிறக்கம் செய்து கொள்ளலாம். இணையவழியில் மட்டுமே (Online Applications) விண்ணப்ப படிவங்கள் ஏற்றுக்கொள்ளப்படும். வேறு எந்த வழியிலும் பெறப்படும் விண்ணப்பங்கள் ஏற்றுக்கொள்ளப்படமாட்டாது.

மாணவர் சேர்க்கைக்கு விண்ணப்பிக்க தேவையான தகுதிகள் விண்ணப்ப கட்டணம் மற்றும் பிற கட்டண விவரங்கள், கலந்தாய்விற்கான அட்டவணை மற்றும் பிற தகவலினை www.inhealth.tn.gov.in, www.Inaysuhselection.org என்ற வலைதளங்களில் உள்ள உரிய தகவல் தொகுப்பேட்டில் அறியலாம். விண்ணப்பிக்கும் முன் தகவல் தொகுப்பேட்டினை முழுமையாக படித்து சரியான தகவல்களை பதிவேற்றவும் மற்றும் தேவையான இடங்களில் அனைத்து அசல் சான்றிதழ்களின் PDF/JPEG வடிவில் பதிவேற்றவும்.

சான்றிதழ்களின் சுய சான்றொப்பம் 

மேலும், விண்ணப்ப கட்டணம் இணையவழி கலந்தாய்வு கட்டணம், கல்வி கட்டண முன்பணம் இவை அனைத்தும் இணையவழி மூலமாக மட்டுமே செலுத்த வேண்டும். இணையவழியில் விண்ணப்பித்தப் பிறகு அந்த விண்ணப்பத்தை பதிவிறக்கம் செய்து கோரப்பட்டுள்ள அனைத்து சான்றிதழ்களின் சுய சான்றொப்பமீட்ட நகல்களையும் இணைத்து செயலாளர், தேர்வுக்குழு, இந்திய மருத்துவம் மற்றும் ஓமியோபதி துறை ஆணையர் அலுவலகம், அறிஞர் அண்ணா அரசினர் இந்திய மருத்துவமனை வளாகம், அரும்பாக்கம், சென்னை 600 106 என்ற முகவரிக்கு 08.08.2025 மாலை 5.00 மணிக்குள் சமர்பிக்க வேண்டும் என மாவட்ட ஆட்சியர் ஹெச்.எஸ்.ஸ்ரீகாந்த் தெரிவித்துள்ளார்.

முக்கியத் தகவல்கள்

  • விண்ணப்பிக்கும் முறை: விண்ணப்பங்கள் முழுவதும் இணையவழி (online) மூலமாக மட்டுமே ஏற்றுக்கொள்ளப்படும். மற்ற எந்த முறையிலும் பெறப்படும் விண்ணப்பங்கள் பரிசீலிக்கப்படாது.

 

  • விவரங்கள்: விண்ணப்பத்திற்கான தகுதிகள், கட்டண விவரங்கள், கலந்தாய்வு அட்டவணை மற்றும் பிற முக்கிய தகவல்களைப் பெறுவதற்கு, விண்ணப்பதாரர்கள் www.tnhealth.tn.gov.in மற்றும் www.tnaysuhselection.org ஆகிய இணையதளங்களில் உள்ள தகவல் தொகுப்பேட்டினை (prospectus) பதிவிறக்கம் செய்து முழுமையாகப் படிக்க வேண்டும்.

 

  • கட்டணச் செலுத்துதல்: விண்ணப்பக் கட்டணம், இணையவழி கலந்தாய்வுக் கட்டணம் மற்றும் கல்வி கட்டண முன்பணம் ஆகிய அனைத்தும் இணையவழி மூலமாக மட்டுமே செலுத்தப்பட வேண்டும்.

 

  • விண்ணப்பத்தை சமர்ப்பித்தல்: இணையவழியில் விண்ணப்பித்த பிறகு, அந்த விண்ணப்பப் படிவத்தை பதிவிறக்கம் செய்து, தேவையான அனைத்து சான்றிதழ்களின் சுய சான்றொப்பமிட்ட நகல்களுடன் இணைக்க வேண்டும்.

 

  • கடைசி தேதி: இந்த ஆவணங்களை 08.08.2025 அன்று மாலை 5:00 மணிக்குள் 'செயலாளர், தேர்வுக்குழு, இந்திய மருத்துவம் மற்றும் ஓமியோபதி துறை ஆணையர் அலுவலகம், அறிஞர் அண்ணா அரசினர் இந்திய மருத்துவமனை வளாகம், அரும்பாக்கம், சென்னை - 600 106' என்ற முகவரிக்கு சமர்ப்பிக்க வேண்டும்.
  •  

இந்த வாய்ப்பை மாணவர்கள் பயன்படுத்திக் கொள்ளுமாறு மாவட்ட ஆட்சியர் கேட்டுக்கொண்டார். மேலும் விவரங்களுக்கு, மேலே குறிப்பிடப்பட்ட இணையதளங்களைப் பார்வையிடுமாறு அறிவுறுத்தினார்.