10, 11, 12ஆம் வகுப்பு பொதுத்தேர்வு எப்போது நடைபெறும் என்ற தேதிகளை அறிவித்த கையோடு, தேர்வு முடிவுகள் வெளியாகும் தேதிகளையும் பள்ளிக் கல்வித்துறை வெளியிட்டுள்ளது.
இதன்படி, மே 6ஆம் தேதி 12ஆம் வகுப்புத் தேர்வு முடிவுகள் வெளியாக உள்ளன. அதேபோல மே 10ஆம் தேதி 10ஆம் வகுப்பு பொதுத் தேர்வு முடிவு வெளியிடப்பட உள்ளது. தொடர்ந்து 11ஆம் வகுப்பு பொதுத் தேர்வு எழுதிய மாணவர்களுக்கு மே14ஆம் தேதி தேர்வு முடிவுகள் வெளியாக உள்ளன.
தேர்வு தேதிகள் என்னென்ன?
தமிழ்நாடு மாநிலக் கல்வி வாரியத்தில் படிக்கும் மாணவர்களுக்கானப்10, 11, 12ஆம் வகுப்புப் பொதுத் தேர்வுகள் எப்போது நடைபெறும் என்னும் அட்டவணை இன்று வெளியாகி உள்ளது. அட்டவணையை சென்னை, கோட்டூர்புரம், அண்ணா நூற்றாண்டு நூலக கட்டிட வளாகத்தில் பள்ளிக் கல்வித்துறை அமைச்சர் அன்பில் மகேஸ் பொய்யாமொழி வெளியிட்டார்.
இதன்படி,10ஆம் வகுப்புப் பொதுத் தேர்வுகள் மார்ச் 26 முதல் ஏப்ரல் 8ஆம் தேதி வரை நடைபெற உள்ளன. மார்ச் 26ஆம் தேதி தமிழ் மற்றும் இதர மொழிப் பாடங்களுக்கான தேர்வுகள் நடைபெற உள்ளன. மார்ச் 28ஆம் தேதி ஆங்கில மொழிப் பாடத் தேர்வு நடைபெற உள்ளது.
முழுமையாக வாசிக்க: 10th Public Exam Time Table: மார்ச் 26 - ஏப்.8: 10ஆம் வகுப்பு பொதுத் தேர்வுகள் எப்போது?- தேதிவாரியாக முழு அட்டவணை!
பிளஸ் 2 தேர்வு தேதிகள்
12ஆம் வகுப்புப் பொதுத் தேர்வுகள் மார்ச் 1 முதல் 22ஆம் தேதி வரை நடைபெற உள்ளன. மார்ச் 1ஆம் தேதி தமிழ் மொழி பாடத்துக்கான தேர்வு நடைபெற உள்ளது. மார்ச் 5ஆம் தேதி ஆங்கில மொழிப் பாடத் தேர்வு நடைபெறுகிறது. தொடர்ந்து மார்ச் 8ஆம் தேதி பல்வேறு வகையான பாடங்களுக்கான தேர்வுகள் நடைபெற உள்ளன.
முழுமையாக வாசிக்க: 12th Public Exam Time Table: மார்ச் 1 முதல் 22 வரை: பிளஸ் 2 பொதுத்தேர்வு தேதிகள் இவைதான்- அட்டவணையோடு!
முன்கூட்டியே தேர்வு
கடந்த சில ஆண்டுகளாகவே மாணவர்களின் நலனைக் கருத்தில்கொண்டு, பொதுத் தேர்வு நடைபெறும் தேதிகள், தேர்வு முடிவுகள் வெளியாகும் தேதி ஆகியவை முன்கூட்டியே வெளியிடப்பட்டு வருகிறது. மக்களவைத் தேர்தலை மனதில் வைத்து, பொதுத் தேர்வு முன்கூட்டியே நடத்தப்படுகிறது என்று பள்ளிக் கல்வித்துறை அமைச்சர் அன்பில் மகேஸ் பொய்யாமொழி கூறி இருந்தார்.
இந்த நிலையில் மே 6ஆம் தேதி 12ஆம் வகுப்புத் தேர்வு முடிவுகள் வெளியாக உள்ளன. அதேபோல மே 10ஆம் தேதி 10ஆம் வகுப்பு பொதுத் தேர்வு முடிவு வெளியிடப்பட உள்ளது. தொடர்ந்து 11ஆம் வகுப்பு பொதுத் தேர்வு எழுதிய மாணவர்களுக்கு மே14ஆம் தேதி தேர்வு முடிவுகள் வெளியாகும் என்று தெரிவிக்கப்பட்டுள்ளது.