Just In
SSC EXAM CALENDAR: 2023- 24 மத்திய அரசு போட்டித் தேர்வுகள் எப்போது?- முழு அட்டவணை வெளியீடு
2023- 24ஆம் கல்வி ஆண்டில் எம்டிஎஸ், ஹவில்தார், ஸ்டெனோகிராபர், காவலர் உள்ளிட்ட மத்திய அரசு போட்டித் தேர்வுகள் எப்போது நடைபெறும் என்பது குறித்த அட்டவணையை எஸ்எஸ்சி வெளியிட்டுள்ளது.
2023- 24ஆம் கல்வி ஆண்டில் எம்டிஎஸ், ஹவில்தார், ஸ்டெனோகிராபர், காவலர் உள்ளிட்ட மத்திய அரசு போட்டித் தேர்வுகள் எப்போது நடைபெறும் என்பது குறித்த, திருத்தப்பட்ட உத்தேச அட்டவணையை மத்திய அரசுப் பணியாளர் தேர்வாணையம் வெளியிட்டுள்ளது.
மத்திய ஆட்சேர்ப்பு முகமை சார்பில், மத்திய அரசின் அமைச்சகங்கள், துறைகள் மற்றும் அலுவலகங்களில் தொழில்நுட்பம் சாராத பணியிடங்களுக்கு ஆட்கள் தேர்வு மூலம் தேர்ந்தெடுக்கப்படுகின்றனர். தேசிய அளவிலான தேர்வு மூலம் இந்தப் பணி இடங்கள் நிரப்பப்படுகின்றன. இதற்காகப் பல்வேறு நிலைகளில் வெவ்வேறு கட்டத் தேர்வுகள் நடத்தப்படுகின்றன.
குறிப்பாக பல்திறன் தேர்வு (எஸ்எஸ்சி எம்டிஎஸ் - Multi Tasking Staff) தேர்வு, ஹவில்தார், ஸ்டெனோகிராபர், காவலர், ஒருங்கிணைந்த மேல்நிலைப் பணிகளுக்கான தேர்வுகள், மத்திய ஆயுதக் காவல்படை, இளநிலை பொறியாளர், மொழிபெயர்ப்பாளர், டெல்லி காவல்துறை காவலர் உள்ளிட்ட பல்வேறு பணிகளுக்கான அறிவிப்புகள் விரைவில் வெளியாக உள்ளன. இதற்கான தேர்வுகள் இந்த ஆண்டு மற்றும் 2024ஆம் ஆண்டு தொடக்கத்திலும் நடைபெற உள்ளன. இந்த தேர்வுகள் அனைத்தும் கணினி வழியில் திறனாய்வுத் தேர்வுகளாக நடைபெற உள்ளன.
எம்டிஎஸ் பணியிடங்கள்: ஓர் அறிமுகம்
- பல் துறை சார் பணியாளர்கள்
- ஹவில்தார்
கடந்த ஆண்டு இரண்டு கட்டங்களாக நடைபெற்ற தேர்வில், விரித்து எழுதும் வகையிலான தேர்வை எழுத தமிழ் உள்ளிட்ட அட்டவணை மொழிகளுக்கு அனுமதி வழங்கப்பட்டு இருந்தது. எனினும் முதல்கட்டமாக கணினி வழியில் நடைபெறும் தேர்வு ஆங்கிலம் மற்றும் இந்தியில் மட்டுமே நடைபெற்றது.
தமிழுக்கு அனுமதி
இந்த நிலையில் 2022ஆம் ஆண்டுக்கான எஸ்எஸ்சி எம்டிஎஸ் தேர்வை தமிழ் உள்ளிட்ட 13 மொழிகளில் எழுத, மத்திய அரசுப் பணியாளர் தேர்வாணையம் அனுமதி அளித்துள்ளது. இவை தவிர்த்து ஆங்கிலம் மற்றும் இந்தியிலும் தேர்வு நடைபெற உள்ளது. இந்தத் தேர்வின் மூலம் 11 ஆயிரத்து 409 காலி இடங்கள் நிரப்பப்பட உள்ளன.
தேர்வு முறை
இரண்டு கட்டமாக நடைபெற உள்ள தேர்வில் முதல்கட்டத் தேர்வில் எண் மற்றும் கணித திறன், பகுத்தறியும் திறன் மற்றும் சிக்கல் தீர்ப்பது குறித்து கேள்விகள் கேட்கப்படும். இரண்டாம் கட்டத் தேர்வில் பொது அறிவு, ஆங்கில மொழி மற்றும் புரிதல் கேள்விகள் கேட்கப்படும்.
முதல்கட்டத் தேர்வுக்கு எதிர்மறை மதிப்பெண்கள் எதுவும் கிடையாது. அதே நேரத்தில் 2ஆவது கட்டத் தேர்வுக்கு எதிர்மறை மதிப்பெண்கள் எதுவும் கிடையாது.
ஹவில்தார் பணியிடங்களை நிரப்ப, உடல் தகுதித் தேர்வும் ( Physical Efficiency Test ) நடத்தப்படும்.
கூடுதல் தகவல்களுக்கு: ssc.nic.in
தேர்வர்கள் https://ssc.nic.in/SSCFileServer/PortalManagement/UploadedFiles/Revised_Calendar_of_Examination%20_2023-2024_19052023.pdf என்ற இணைய தள முகவரியை க்ளிக் செய்து, திருத்தப்பட்ட முழு உத்தேச அட்டவணையைக் காணலாம்.