கலைஞர்‌ மு.கருணாநிதியின்‌ நூற்றாண்டு விழாவை முன்னிட்டு, சென்னை மாநகரில்‌ உள்ள பள்ளி மாணவ மாணவியர்களுக்கு ஓவியப் போட்டி நடத்தத்  திட்டமிடப்பட்டுள்ளது.


கருணாநிதி நூற்றாண்டு பிறந்தநாள் விழா


மறைந்த முன்னாள் முதலமைச்சர் கருணாநிதியின் நூற்றாண்டு பிறந்தநாள் விழா கொண்டாட்டம் கடந்த ஜூன் 3 ஆம் தேதி தொடங்கியது. இதனை முன்னிட்டு 2024 ஆம் ஆண்டு பல திட்டங்கள் தமிழ்நாடு அரசால் தொடங்கி வைக்கப்பட்டு வருகின்றன. அந்த வகையில் கலைஞர் பன்னோக்கு சிறப்பு மருத்துவமனை, கலைஞர் நூற்றாண்டு நூலகம், கலைஞர் கோட்டம் உள்ளிட்ட பல திட்டங்கள் செயல்பாட்டு வந்துள்ளன. மேலும் இல்லத்தரசிகள் பெரிதும் எதிர்பார்க்கும் கலைஞர் மகளிர் உரிமைத்தொகை வழங்கும் திட்டம் செப்டம்பர் 15 ஆம் தேதி தொடங்கப்பட உள்ளது. 


பன்னாட்டு மாரத்தான் போட்டி


இதனிடையே திமுக சார்பில் கலைஞர் கருணாநிதி நினைவு பன்னாட்டு மாரத்தான் போட்டி ஆகஸ்ட் 6ஆம் தேதி நடைபெற்றது. இதில் 73 ஆயிரம் பேர் பங்கேற்றனர். இதற்கிடையே கலைஞர்‌ மு.கருணாநிதியின்‌ நூற்றாண்டு விழாவை முன்னிட்டு, சென்னை மாநகரில்‌ உள்ள பள்ளி மாணவ மாணவியர்களுக்கு ஓவியப் போட்டி நடத்தத்  திட்டமிடப்பட்டுள்ளது.


இதுகுறித்து அருங்காட்சியகங்கள்‌ துறை ஆணையர்‌ கூறி உள்ளதாவது:


சென்னை அரசு அருங்காட்சியகத்தில்‌ முன்னாள் முதல்வர் கலைஞர்‌ மு.கருணாநிதியின்‌ நூற்றாண்டு விழாவினை நினைவு கூறும்‌ பொருட்டு சென்னை மாநகரில்‌ உள்ள பள்ளி மாணவ மாணவியர்களுக்கு ஓவியப் போட்டி நடத்தத் திட்டமிடப்பட்டுள்ளது. இதில் ஒவ்வொரு பள்ளியிலும்‌ ஒவ்வொரு பிரிவிற்கும்‌ ஓவியத்தில்‌ திறன்‌ பெற்றுள்ள ஒரு மாணவரை அனுப்பி வைக்க கேட்டுக்‌ கொள்ளப்படுகிறது.


இதில்‌ பங்கு கொள்ளும்‌ மாணவர்களுக்கு சான்றிதழ்கள்‌ மற்றும்‌ சிறந்த ஓவியத்திற்கு பரிசுகள்‌ வழங்கப்படும்‌. ஓவியங்கள்‌ அருங்காட்சியகத்தில்‌ மக்கள்‌ பார்வைக்கு கண்காட்‌சியாக வைக்கப்பட உள்ளது. இதற்கு 08.09.2023 - அன்று மாலை 5 மணிக்குள் முன்பதிவு செய்து கொள்ள கேட்டுக்‌ கொள்ளப்படுகிறது. ஓவியப்‌ போட்டி 09.09.2023 அன்று முற்பகல்‌ 10.30 மணி முதல்‌ 12.30 வரை அருங்காட்சியக வளாகத்தில்‌ நடத்தப்பட உள்ளது. 


ஓவியப் போட்டி தலைப்புகள்‌: 


4,5,6 வகுப்புகள் - இயற்கை காட்சிகளுடன்‌ தமிழக நினைவுச்‌ சின்னம்‌ (அல்லது) அருங்காட்சியக அரும்‌ பொருட்கள்‌ ஏதாவது ஒன்றின்‌ ஓவியம்‌.


7, 8, 9 வகுப்புகள் - நான் விரும்பும் தமிழக பெண்‌ சுதந்திரப்‌ போராட்ட வீரர்‌ (அல்லது) திருக்குறளுடன்‌ அதற்கு உண்டான பொருளுடன்‌ ஓவியம்‌ (குறள்‌ ஓவியம்‌)


10, 11, 12 வகுப்புகள் - தமிழ்நாட்டு பண்பாட்டுடன்‌ அருங்காட்சியகத்‌ தொடர்பு குரல்‌ ஓவியம் (அல்லது) திருக்குறளுடன்‌ அதற்கு உண்டான பொருளுடன்‌ ஓவியம்‌
(குறள்‌ ஓவியம்‌)


குறிப்பு :
1. ஓவியம்‌ வரைவதற்கான ஓவியத் தாள்‌ அருங்காட்சியகத்தில் வழங்கப்படும்‌.


2.ஓவியம்‌ வரைவதற்கான பென்சில்கள்‌, வண்ணங்கள்‌ மற்றும்‌ இதர பொருட்களை மாணவர்களே கொண்டு வர வேண்டும்‌.


3. மாணவர்கள்‌ உடன்‌ தண்ணீர்‌ பாட்டில்கள்‌ வைத்துக்‌ கொள்ள அனுமதி அளிக்கப்படுகிறது.


4. மாணவர்கள்‌ தங்கள்‌ வயதிற்கான அடையாள அட்டை உடன்‌ வைத்திருக்க வேண்டும்‌. 


5. ஓவியம்‌ வரையும்போது செல்போன்‌ பயன்படுத்துவது தடை செய்யப்பட்டுள்ளது. 


6. முதலில் பதிவு செய்யும் 100 மாணவர்கள் மட்டுமே அனுமதிக்கப்படுவார்கள்‌. 


தொடர்புக்கு- 04428193238, 9443526604, 9489228435, 


இ- மெயில் முகவரி: govtmuse@tn.gov.in


இவ்வாறு அருங்காட்சியகங்கள்‌ துறை ஆணையர்‌ தெரிவித்து உள்ளார்.