Govt Arts and Science College PG Admission 2023: அரசு கலை, அறிவியல் கல்லூரிகளில் முதுகலை படிப்புகளில் சேர செப்டம்பர் 1ஆம் தேதி வரை அவகாசம் நீட்டிக்கப்பட்டுள்ளதாக உயர் கல்வித்துறை அறிவிப்பு வெளியிட்டுள்ளது. 


தமிழகத்தில் 109 அரசு கலை, அறிவியல் கல்லூரிகளில் முதுநிலை பட்டப் படிப்புகளில் 24,341 இடங்கள் உள்ளன. இவற்றை 2023-24ஆம் ஆண்டில் நிரப்புவதற்கான அறிவிப்பை கல்லூரிக்‌ கல்வி இயக்குநர் வெளியிட்டார். இதன்படி, முதுநிலை கலை மற்றும்‌ அறிவியல்‌ பட்டப்படிப்பு முதலாமாண்டு மாணவர்‌ சேர்க்கைக்கான (2023-2024) விண்ணப்பங்களை  www.tngasa.in, www.tngasa.org என்ற இணையதள முகவரிகளில்‌ பதிவு செய்யலாம்‌ என்று தெரிவிக்கப்பட்டது.


இணையதள வாயிலாக விண்ணப்பிக்க இயலாத மாணாக்கர்கள்‌ கல்லூரி சேர்க்கை உதவி மையங்கள் (Admission Facilitation Centre - AFC) மூலம்‌ விண்ணப்பிக்க வழிவகை செய்யப்பட்டுள்ளது. இம்மையங்களின்‌ பட்டியல்‌ மேற்குறித்த இணையதள முகவரியில்‌ வெளியிடப்பட்டுள்ளது.


ஒவ்வொரு விண்ணப்பிக்கும்‌ ஐந்து கல்லூரிகளுக்கும்‌ விண்ணப்பக்‌ கட்டண விவரம்‌


விண்ணப்பக்‌ கட்டணம்‌ - ரூ. 58/- 
பதிவுக்‌ கட்டணம்‌ - ரூ.2/- 


எஸ்சி/ எஸ்டி பிரிவினருக்கு விண்ணப்பக்‌ கட்டணம்‌ ஏதுமில்லை
பதிவுக்‌ கட்டணம்‌ - ரூ. 2/- மட்டும்‌


விண்ணப்பம்‌ மற்றும்‌ பதிவுக்‌ கட்டணம்‌ 


விண்ணப்பக்‌ கட்டணம்‌ மற்றும்‌ பதிவுக்‌ கட்டணத்தை விண்ணப்பதாரர்கள்‌ Debit Card / Credit Card / Net Banking / UPI மூலம்‌ இணையதள வாயிலாக செலுத்தலாம்‌. இணையதள வாயிலாகக்‌ கட்டணம்‌ செலுத்த இயலாத மாணாக்கர்கள்‌ கல்லூரி சேர்க்கை உதவி மையங்களில்,‌ “The Director, Directorate of Collegiate Education, Chennai — 15” என்ற பெயரில்‌ 14.08.2023 அன்று அல்லது அதற்குப்‌ பின்னர்‌ பெற்ற வங்கி வரைவோலை மூலமாகவும்‌ அல்லது நேரடியாகவும்‌ செலுத்தலாம்‌.


மாணவர்‌ சேர்க்கை வழிகாட்டி மற்றும்‌ கால அட்டவணையை மாணாக்கர்கள்‌ www.tngasa.in, www.tngasa.org என்ற இணையதளங்கள்‌ வாயிலாக அறிந்துகொள்ளலாம்‌.


இணையதளம் வாயிலாக மாணவர்கள் ஆகஸ்ட் 14 முதல் விண்ணப்பம்‌ பதிவு செய்த நிலையில், விண்ணப்பிக்க ஆகஸ்ட் 22 இறுதி நாளாக இருந்தது. இந்த நிலையில், முதுகலை படிப்புகளில் சேர செப்டம்பர் 1ஆம் தேதி வரை அவகாசம் நீட்டிக்கப்பட்டுள்ளதாக உயர் கல்வித்துறை அறிவிப்பு வெளியிட்டுள்ளது. 


இதுகுறித்து உயர் கல்வித்துறை இன்று வெளியிட்டுள்ள செய்திக் குறிப்பில், ''தமிழ்நாட்டில் உள்ள அரசு கலை மற்றும் அறிவியல் கல்லூரிகளில் 2023-24-ஆம் ஆண்டிற்கான முதுநிலை பட்டப் படிப்புகளில் முதலாமாண்டு மாணாக்கர் சேர்க்கை 14.08.2023-ல் துவங்கி www.tngasa.in மற்றும் www.tngasa.org என்ற இணையதளங்கள் வாயிலாக விண்ணப்பிக்கலாம் என்று அறிவிக்கப்பட்டுள்ளது. 


என்ன காரணம்?


சென்னை பல்கலைக்கழக இளநிலை பாடப்பிரிவிற்கான தேர்வு முடிவுகள் இன்னும் வெளியிடப்படாத நிலையில், முதுநிலை பட்டப் படிப்பிற்கான மாணாக்கர் சேர்க்கைக்கு விண்ணப்பிக்கும் கால அவகாசம் 01.09.2023 வரை நீட்டிக்கப்படுகிறது'' என்று உயர் கல்வித்துறை தெரிவித்துள்ளது. 


கூடுதல் தகவல்களுக்கு: https://static.tneaonline.org/docs/arts/tngasa_booklet_pg.pdf?t=1692181053929 என்ற இணைப்பை க்ளிக் செய்யவும்.


முதுகலைப் படிப்புக்கு விண்ணப்பிப்பது குறித்து உயர் கல்வித் துறை வெளியிட்ட வீடியோ வடிவிலான விளக்கக் காணொலியை https://www.youtube.com/watch?v=WWAz0Ns9gzM என்ற இணைப்பில் காணலாம். 


தொடர்பு எண்கள்‌: 93634 62070, 93634 62042, 93634 62007, 93634 62024