சிடெட் எனப்படும் மத்திய ஆசிரியர் தகுதித் தேர்வு நேரடி முறையில் ஆகஸ்ட் 20ம் தேதி நடைபெறும் என்று சிபிஎஸ்இ அறிவிப்பு வெளியிட்டுள்ளது. நாடு முழுவதும் பேனா - காகித முறையில் இந்தத் தேர்வு நடைபெற உள்ளது. 


அரசு கொண்டு வந்த இலவசக் கட்டாயக் கல்வி உரிமைச் சட்டப்படி அனைத்து வகையான பள்ளிகளிலும் ஆசிரியராகப் பணியில் சேர மத்திய அரசு, மாநில அரசுகள் நடத்தும் ஆசிரியர் தகுதித் தேர்வில் தேர்ச்சி பெற வேண்டும். அதன்படி நடத்தப்படும் ஆசிரியர் தகுதித் தேர்வு (TAMILNADU TEACHER ELIGIBILITY TEST (TNTET)) மொத்தம் 2 தாள்களைக் கொண்டது. முதல் தாளில் தேர்ச்சி பெறுபவர்கள் இடைநிலை ஆசிரியராகவும், 2-ம் தாளில் தேர்ச்சி அடைபவர்கள் பட்டதாரி ஆசிரியராகவும் பணிபுரியலாம். 


இந்த நிலையில், சிடெட் எனப்படும் மத்திய ஆசிரியர் தகுதித் தேர்வு நேரடி முறையில் ஆகஸ்ட் 20ம் தேதி நடைபெறும் என்று சிபிஎஸ்இ அறிவிப்பு வெளியிட்டுள்ளது. நாடு முழுவதும் பேனா - காகித முறையில் இந்தத் தேர்வு நடைபெற உள்ளது. 


இதற்குத் தேர்வர்கள் ஏப்ரல் 27ஆம் தேதி முதல் மே 26ஆம் தேதி வரை விண்ணப்பித்தனர். இதில் பொதுப் பிரிவினர், ஓபிசி பிரிவினருக்கு ஒரு தாளுக்கு ரூ.1000 கட்டணமாக வசூலிக்கப்பட்டது. இரண்டு தாள்களுக்கும் சேர்த்து ரூ.1200 கட்டணமாக வசூலிக்கப்பட்டது. இதுவே எஸ்சி, எஸ்டி மற்றும் மாற்றுத்திறனாளி பிரிவினருக்கு முறையே ரூ.500 கட்டணமாகவும் ரூ.600 கட்டணமாகவும் பெறப்பட்டது. 


இதற்குத் தேர்வர்கள் விண்ணப்பித்ததை அடுத்து, மே 29 முதல் ஜூன் 2ஆம் தேதி வரை விண்ணப்பங்களைத் திருத்த அவகாசம் வழங்கப்பட்டது. தேர்வு ஆகஸ்ட் 20ஆம் தேதி இரண்டு ஷிஃப்டுகளாக நடைபெற உள்ளது. காலை 9.30 மணி முதல் மதியம் 12 மணி வரை முதல் ஷிஃப்ட்டும், மதியம் 2.30 மணி முதல் மாலை 5 மணி வரை 2ஆவது ஷிஃப்ட்டும் நடைபெறுகிறது. மொத்தம் 2.30 மணி நேரத்துக்கு, 150 மதிப்பெண்களுக்குத் தேர்வு நடைபெற உள்ளது. ஆங்கிலம், தமிழ், இந்தி உள்ளிட்ட 20 மொழிகளில் மத்திய ஆசிரியர் தகுதித் தேர்வு நடைபெற உள்ளது.


2022 தேர்வு


கடந்த 2022ஆம் ஆண்டுக்கான மத்திய ஆசிரியர் தகுதித் தேர்வு  தாள்‌ 1-ற்கான கணினி வழித்‌ தேர்வு (Computer Based Examination) திட்டமிட்டபடி கடந்த 14.10.2022 முதல்‌19.10.2022 வரையிலும்‌ இருவேளைகளில்‌ நடைபெற்றது. கணினி வழியில் நடைபெற்ற தேர்வை சுமார் 2 லட்சம் பேர் எழுதி இருந்தனர்.


இந்த நிலையில் 2023ஆம் ஆண்டுக்கான தேர்வு குறித்த விவரங்கள், தேர்வு நடைபெறும் மொழிகள், பாடத்திட்டம், தகுதி உள்ளிட்ட அனைத்து விவரங்களையும் பெற https://cdnbbsr.s3waas.gov.in/s3443dec3062d0286986e21dc0631734c9/uploads/2023/04/2023042786.pdf என்ற இணைப்பை க்ளிக் செய்யவும். 


கூடுதல் விவரங்களுக்கு https://ctet.nic.in