நாடு முழுவதும் ஏழை மாணவர்களின் மேல்நிலைக் கல்வி தடைபட்டு விடக் கூடாது என்ற நோக்கத்தில் மத்தியக் கல்வித் துறை சார்பில் ஒவ்வோர் ஆண்டும் தேர்வு நடத்தப்பட்டு, 1 லட்சம் பேருக்கு கல்வி உதவித் தொகை வழங்கப்படுகிறது. தமிழ்நாட்டில் 6,695 மாணவர்களுக்கு இந்த உதவித் தொகை வழங்கப்பட உள்ளது.


என்எம்எம்எஸ்- தேசிய வருவாய்வழி மற்றும் திறன் படிப்புதவித் தொகை திட்டத் தேர்வு


 இதற்குத் தகுதிவாய்ந்த மாணவ, மாணவிகளைத் தேர்வு செய்ய தேசிய வருவாய்வழி மற்றும் திறன் படிப்புதவித் தொகை திட்டத் தேர்வு (என்எம்எம்எஸ்- National Means Cum Merit Scholarship Scheme) ஆண்டுதோறும் நடத்தப்படுகிறது.


யாரெல்லாம் விண்ணப்பிக்கலாம்?


அரசு, அரசு உதவிபெறும் பள்ளிகளில் 8-ம் வகுப்புப் படிக்கும் மாணவ, மாணவிகள் இத்தேர்வை எழுதலாம். இதில் தேர்ச்சி பெறுவோருக்கு 9-ம் வகுப்பில் இருந்து 12ஆம் வகுப்புப் படிக்கும் வரை மாதம்தோறும் ரூ.1000 கல்வி உதவித் தொகை வழங்கப்படும். 2017ஆம் ஆண்டுக்கு முன்பு வரை மாதம் ரூ. 500 வழங்கப்பட்டு வந்தது.  


எனினும் 10ஆம் வகுப்பில் குறைந்தபட்சம் 60 சதவீத மதிப்பெண்கள் பெற்றால் மட்டுமே, அடுத்த ஆண்டுக்கு உதவித் தொகை வழங்கப்படும். எஸ்சி/ எஸ்டி மாணவர்களுக்கு 5 சதவீதத் தளர்வு உண்டு.


2024- 2023ஆம்‌ கல்வியாண்டிற்கான தமிழ்நாடு அரசின்‌ அங்கீகாரம்‌ பெற்ற அரசு மற்றும்‌ அரசு உதவி பெறும்‌ பள்ளிகளில்‌ பயிலும்‌ எட்டாம்‌ வகுப்பு மாணவர்கள்‌ தேசிய வருவாய் வழி மற்றும்‌ திறன்‌ படிப்புதவித்‌ திட்டத்‌ தேர்விற்கு விண்ணப்பிக்கலாம். இதற்கு செப்டம்பர் 30ஆம் தேதி வரை அவகாசம் நீட்டிக்கப்பட்டுள்ளது.


விண்ணப்பிப்பது எப்படி?


* தேர்வர்கள் scholarships.gov.in என்ற இணைப்பை க்ளிக் செய்யவும்.


* ஒருமுறை விண்ணப்பப் பதிவு படிவத்தை ( one-time registration - ORT) பூர்த்தி செய்யவும்.  


* https://scholarships.gov.in/otrapplication/#/login-page என்ற இணைப்பை க்ளிக் செய்து விண்ணப்பிக்கலாம்.


* தேர்வர்களுக்கு ஆதார்/ ஆதார் சேர்க்கை ஐடி (EID) அடிப்படையில் 14 இலக்க எண் அனுப்பப்படும்.


* ஒருமுறை விண்ணப்பப் பதிவின் மூலம், ஸ்காலர்ஷிப் விண்ணப்பப் படிவத்தை ஒவ்வோர் ஆண்டும் விண்ணப்பிக்க வேண்டிய அவசியம் இல்லை என்று தெரிவிக்கப்பட்டு உள்ளது.


* பிறகு https://scholarships.gov.in/ApplicationForm/#/login என்ற இணைப்பை க்ளிக் செய்து லாகின் செய்யலாம்.


தேசிய வருவாய் வழி மற்றும்‌ திறன்‌ படிப்புதவித்‌ திட்டத்‌ தேர்வு உதவித் தொகை தொடர்பான கூடுதல் தகவல்களுக்கு: https://scholarships.gov.in/public/schemeGuidelines/NMMSSGuidelines.pdfஎன்ற இணைப்பை க்ளிக் செய்யவும்.


கூடுதல் தகவல்களுக்கு: scholarships.gov.in