Just In
Kaaka Thoppu Balaji : காக்கா தோப்பு பாலாஜி கைது : தப்பிக்க முயற்சித்தபோது கீழே விழுந்து கை, கால்களில் காயம்
விரட்டி பிடிக்கும்போது பிரபல வடசென்னை ரவுடி காக்கா தோப்பு பாலாஜி கீழே விழுந்து கை, கால்களில் காயம் ஏற்பட்டது!
சென்னை ஆர்.கே நகர் வைத்தியநாதன் மேம்பாலத்துக்கு அடியில், இன்று காலை 4 மணிக்கு காக்கா தோப்பு பாலாஜி H6 காவல்நிலையத்தை சேர்ந்த காவல்துறையால் கைது செய்யப்பட்டார்.
இன்று காலை 4 மணியளவில் வைத்தியநாதன் மேம்பாலம் அடியில், ஆயில் பைப்லைன் அருகில் இரண்டு பேர் ஒரு மூட்டையை வைத்துக்கொண்டு இருப்பதாக காவல்துறைக்கு ரகசிய தகவல் வந்தது. வந்தவுடனே காவல்துறையினர், அப்பகுதிக்கு விரைந்து சென்றனர். காவல்துறையை பார்த்தவுடன் இருவரும் ஓட்டம் பிடித்தனர். காவலர்கள் அவர்களை விரட்டி பிடிக்கும்போது பிரபல வடசென்னை ரவுடி காக்கா தோப்பு பாலாஜி என்று காவல்துறைக்கு தெரியவந்தது.
காக்கா தோப்பு பாலாஜி விரட்டி பிடிக்கும்போது கீழே விழுந்து வலது காலிலும், வலது கையிலும் சிறிது காயம் ஏற்பட்டது அவர் கையிலிருந்து 24 கிலோ கஞ்சா பறிமுதல் செய்யப்பட்டது. அதைத் தொடர்ந்து காக்கா தோப்பு பாலாஜி, அரசு ஸ்டான்லி மருத்துவமனைக்கு காவல்துறையினரால் சேர்க்கப்பட்டது. பிரபல ரவுடியான காக்கா தோப்பு பாலாஜி, அவர் மேல் கொலை, கொள்ளை, ஆள் கடத்தல், கட்ட பஞ்சாயத்து, பல்வேறு வழக்குகள் நிலுவையில் உள்ளன. இதுதொடர்ந்து இன்று H6 காவல் நிலையத்தில் வழக்கு பதிவுசெய்து சிறையில் அடைத்தனர்.