பள்ளி மாணவர்களுக்கு, பாலியல் வன்தொல்லை அளித்த விடுதி துணை காப்பாளர் போக்சோவில் கைது

சேத்துப்பட்டு அருகே அரசு நிதி உதவி பெறும் பள்ளியில் மாணவர்களுக்கு தற்பாலினச் சேர்க்கைக்கு வற்புறுத்தி பாலியல் தொந்தரவு கொடுத்ததாக விடுதி துணை காப்பாளர் போக்சோ சட்டத்தில் கைது செய்யப்பட்டுள்ளார்

திருவண்ணாமலை மாவட்டம் சேத்துப்பட்டு அடுத்த உள்ள பத்தியாவரம் கிராமத்தில் உள்ள சூசை நகர் பகுதியில் உள்ளது, புனித வளனார் ஆண்கள் அரசு நிதி உதவி பெறும் மேல்நிலைப் பள்ளி இயங்கி வருகிறது. இந்த மேல்நிலைப்பள்ளியில் சுமார் 2000-க்கும் மேற்பட்ட மாணவர்கள் படித்து வருகின்றனர். இந்த மேல்நிலைப்பள்ளியில் 1976-ஆம் ஆண்டிலிருந்து தற்பொழுது வரையில் 2022-ஆம் ஆண்டு தற்போது வரையில் நடைபெற்று வருகிறது. இந்த பள்ளியின் அருகாமையில் இந்த புனித வளனார் ஆண்கள் அரசு நிதி உதவி பெறும் மேல்நிலைப் பள்ளிக்கான விடுதி இயங்கி வருகிறது. இந்த விடுதியில் வெளியூரிலிருந்து வந்து 113 மாணவர்கள் விடுதியில் தங்கி பயின்று வருகின்றனர்.

இந்நிலையில் இன்று விடுதியில் தங்கி பயின்று வருபவர்கள் 9,10,11,12-ஆம் வகுப்பு படிக்கும் மாணவர்கள் திருவண்ணாமலை சமூக நலத்துறைக்கு இணையதளம் மூலம் புகார் ஒன்று அளித்தனர். இந்த புகாரின் அடிப்படையில் விடுதி துணை காப்பாளர் துரைப்பாண்டி வயது (35) என்பவர் இங்கு விடுதியில் தங்கி படிக்கும் மாணவர்களை, தன்னுடன் தற்பாலின சேர்க்கையில் ஈடுபட கட்டாயப்படுத்தியதாகவும் மேலும் பாலியல் துன்புறுத்தலில் ஈடுபடுவதாகவும் இணையதளத்தில் 8 மாணவர்கள் புகார் அளித்திருந்தனர்.

இந்த புகாரின் பேரில் திருவண்ணாமலை மாவட்ட சமூகநலத்துறை அதிகாரிகள் பாதிக்கப்பட்ட 8 மாணவர்களையும் திருவண்ணாமலையில் உள்ள குழந்தைகள் காப்பகத்திற்கு மதியம் 12 மணிக்கு மேல் அழைத்துச் சென்று விசாரணை நடத்தியதாக கூறப்படுகிறது.

முதல் மனைவிக்கு குளத்துக்கு அருகே குழி! கொன்று புதைத்துவிட்டு குடிபோதையில் உளறிய ராணுவ வீரர்!

 

இந்த விசாரணையின் முடிவில் துணை விடுதி காப்பாளர் துரை பாண்டியன் மாணவர்களை தற்பாலின சேர்க்கையில் ஈடுபட கட்டாய படுத்தியதாகவும். மேலும் அவர்களை பாலியல் துன்புறுத்தலில் ஈடுபட்டது உண்மை என தெரியவந்தது. இதன் பின்னர் விடுதி துணைக் காப்பாளர் மீது சமூகநலத்துறை அதிகாரிகள் மற்றும் சேத்துப்பட்டு காவல் நிலையத்தில் புகார் அளித்தனர். இந்தப் புகாரின் அடிப்படையில் சேத்துப்பட்டு காவல் நிலையத்தில் காவல்துறையினர் விடுதி துணை காப்பாளர் துறை பாண்டியனை கைது செய்து போக்சோ சட்டத்தில் வழக்குப்பதிவு செய்தனர்.சேத்துப்பட்டு அருகே பத்தியாவரம் கிராமத்தில் இதுபோன்று மாணவர்களை தற்பாலின சேர்க்கைக்கு வற்புறுத்தி பாலியல் தொந்தரவு செய்த விடுதி துணை காப்பாளரை காவல்துறையினர் கைது செய்துள்ள சம்பவம் அப்பகுதியில் பெரும் பரபரப்பை ஏற்படுத்தியுள்ளது.

மேலும் இதே பள்ளியின் விடுதியில் கடந்த 10 ஆண்டுகளுக்கு முன்பு இதேபோன்று விடுதி காப்பாளர் ஒருவர் மாணவர்களுக்கு பாலியல் தொந்தரவு கொடுத்து கைதானது குறிப்பிடத்தக்கது .