திருவண்ணாமலை மாவட்டம் கண்ணக்குருக்கை பகுதியை சேர்ந்தவர் தங்கராஜ் வயது (36). இவர் லாரி டிரைவர். இவருக்கு திருமணமாகி 3 மகள்கள் மற்றும் ஒரு மகன் உள்ளனர். இவருக்கும், சென்னை மாங்காடு பகுதியை சேர்ந்த பார்த்தசாரதி என்பவரின் மனைவி நதியா வயது (32) என்பவருக்கும் இடையே பழக்கம் ஏற்பட்டு உள்ளது. இவருக்கு 2 மகன்கள் உள்ளனர். இந்த நிலையில் தங்கராஜுன் செல்போனில் இருந்து தவறுதலாக சென்ற அழைப்பின் மூலம் அவருக்கும், நதியாவுக்கும் இடையே பழக்கம் ஏற்பட்டு, நாளடைவில் கள்ளக்காதலாக மாறியதாக கூறப்படுகிறது. இந்நிலையில் நதியாவுக்கும் தங்கராஜுக்கும் கள்ளத்தொடர்பு ஏற்பட்டு கடந்த ஏழு ஆண்டுகளாக செல்போனில் பேசியும் பழகியும் வந்துள்ளனர். தங்கராஜ் வேலைக்காக சென்னைக்கு செல்லும் போது நதியாவை சந்தித்து உல்லாசமாக இருந்ததாக கூறப்படுகிறது. நதியாவின் கள்ளக்காதலை அறிந்த பார்த்தசாரதி அதனை கைவிடுமாறு கூறியுள்ளார். இதனால் கணவன்-மனைவிக்கு இடையே அடிக்கடி தகராறு ஏற்பட்டு உள்ளது.
இதனால் ஆத்திரம் அடைந்த நதியா அவரது கணவன் மற்றும் மகன்களை உதறிவிட்டு கடந்த மாதம் 24ம் தேதி அன்று கண்ணக்குருக்கை கிராமத்தில் உள்ள தங்கராஜுயின் வீட்டிற்கு வந்துள்ளார். அதனைத் தொடர்ந்து அந்த கிராமத்து அருகில் உள்ள ஒரு வீட்டில் நதியாவை தங்கராஜ் தங்க வைத்தார். இதை கேள்விப்பட்ட ரேகா இது பற்றி தங்கராஜுயிடம் கேட்டார். அப்போது நீங்கள் இரண்டு பேரும் என்னுடன் ஒன்றாக வாழ வேண்டும் எனக் கூறி தகராறில் ஈடுபட்டார். கடந்த 2 நாட்களுக்கு முன்னர் நதியாவின் குழந்தைகளை அழைத்துச் சென்று சென்னை மாங்காட்டில் உள்ள அவரது கணவர் வீட்டில் விட்டு வந்தார். பின்னர் நேற்று முன்தினம் இரவு தனது வீட்டுக்கு நதியாவை அழைத்துச் சென்றார். அப்போது அவர்களை வீட்டுக்குள் அனுமதிக்காமல் ரேகா தகராறில் ஈடுபட்டார். இதனால் நதியாவுடன் தங்கராஜ் வீட்டை விட்டு வெளியேறினார். பின்னர் சிறிது நேரம் கழித்து அப்பகுதியில் உள்ள உயர்மின் கோபுரத்தில் ஏறி தற்கொலை செய்து கொள்வதாக தங்கராஜ் கூறியுள்ளார்.
இதை கண்டு அதிர்ச்சி அடைந்த கிராம மக்கள் உடனடியாக திருவண்ணாமலை தாலுகா காவல் நிலையத்தில் தகவல் தெரிவித்தனர். அங்கு வந்த காவல்துறையினர் உயர்மின் கோபுரம் மீது இருந்த தங்கராஜுயிடம் இறங்கி வரும்படி கூறினார். ஆனால் அவர் அதற்கு மறுப்பு தெரிவித்ததோடு திடீரென கீழே குதித்து தற்கொலைக்கு முயன்றார். இதில் அதிர்ஷ்டவசமாக லேசான காயங்களுடன் உயிர் தரப்பினார் அவரை காவல்துறையினர் திருவண்ணாமலை அரசு மருத்துவக் கல்லூரி மருத்துவமனையில் சேர்த்தனர்.பின்னர் தங்கராஜ் இடம் காவல்துறையினர் நடத்திய விசாரணையில் தங்கராஜ் தன் வீட்டுக்கு நதியாவை அழைத்துச் சென்று மனைவியிடம் இரண்டு பேரும் ஒன்றாக ஒரே வீட்டில் வாழ வேண்டும் என கூறியதாகும் அதற்கு நதியா தங்கராஜுயிடம், ‘நான் இனிமேல் உன்னோடு தான் வாழ்வேன்’ என்று கூறியுள்ளார். இதை கேட்டு தங்கராஜுயின் மனைவி அதிர்ச்சி அடைந்தார். பின்னர் அவர் தங்கராஜ் மற்றும் நதியாவிடம் தகராறு செய்து உள்ளார். மேலும் வேதனை அடைந்த நதியா தற்கொலை செய்து கொள்வதாக அங்கிருந்து சென்றார்.
பின்னர் தங்கராஜ் அவரை சமாதானம் செய்ய பெரியகோளாப்பாடி மலை குன்று பகுதிக்கு அழைத்து சென்றார். அப்போது தங்கராஜுக்கும், நதியாவுக்கும் இடையே வாக்குவாதம் ஏற்பட்டு உள்ளது. இதில் ஆத்திரம் அடைந்த தங்கராஜ், நதியாவை அவரது சேலையால் கழுத்தை இறுக்கி கொலை செய்தார். இதுகுறித்து தகவல் அறிந்ததும் திருவண்ணாமலை தாலுகா போலீசார் சம்பவ இடத்திற்கு சென்று, நதியாவின் உடலை மீட்டு பிரேத பரிசோதனைக்காக திருவண்ணாமலை அரசு மருத்துவமனைக்கு அனுப்பி வைத்தனர். மேலும் தப்பியோடிய தங்கராஜை காவல்துறையினர் கைது செய்து சிறையில் அடைத்தனர். கணவன், மகன்களை உதறிவிட்டு திருவண்ணாமலைக்கு வந்த பெண் கொலை செய்யப்பட்ட சம்பவம் பரபரப்பை ஏற்படுத்தி உள்ளது.