Crime: ஓடும் காரில் இப்படியா? சிறுமிக்கு கூட்டு பாலியல் வன்கொடுமை...கத்திமுனையில் மிரட்டிய கொடூரம்!

உத்தர பிரசேத்தில் ஓடும் காரில் 16 வயது சிறுமியை மிரட்டி 3 பேர் கொண்ட கும்பல் பாலியல் வன்கொடுமை செய்தது பெரும் அதிர்ச்சியை ஏற்படுத்தியுள்ளது.

Crime: உத்தர பிரசேத்தில் ஓடும் காரில் 16 வயது சிறுமியை மிரட்டி 3 பேர் கொண்ட கும்பல் பாலியல் வன்கொடுமை செய்தது பெரும் அதிர்ச்சியை ஏற்படுத்தியுள்ளது.

காரில் பாலியல் வன்கொடுமை:

உத்தர பிரதேச மாநிலம் குஷிநகரைச் சேர்ந்தவர் 16 வயது சிறுமி. இவர் அதே பகுதியில் உள்ள ஒரு அரசுப் பள்ளியில் படித்து வருகிறார். இந்நிலையில், கடந்த 9ஆம் தேதி வீட்டிற்கு பின் பகுதியில் இருக்கும் மாட்டுத் தொழுவை சுத்தம் செய்ய சென்றிருக்கிறார். அப்போது,  அங்கு வந்த ஒரு நபர், சிறுமியிடம் முதலில் பேச்சு கொடுத்திருக்கிறார்.  சிறுமி அவரிடம் பேசுவதை நிருத்திவிட்டு வேலையை பார்த்துக் கொண்டு இருந்தார். அப்போதும், அந்த நபர் தொடர்ந்து சிறுமியிடம் பேச்சு கொடுத்திருக்கிறார். பின்னர், சிறுமியை கத்தியை காட்டி மிரட்டி அருகில் இருக்கும் ஒரு பழைய வீட்டிற்கு அழைத்து சென்றிருக்கிறார்.

பின்னர், அங்கு வந்த இரண்டு நபர்கள் சிறுமிக்கு மயக்க மருந்து கொடுத்ததாக தெரிகிறது.  பின்னர், மூன்று  பேர் சேர்ந்து சிறுமியை காரில் கடத்தி சென்றுள்ளார். மயக்க நிலையில் இருந்து சிறுமியை காரில் வைத்து பாலியல் வன்கொடுமை செய்துள்ளனர்.  இதனை அடுத்து, சிறுமியை மாட்டுத் தொழுவில் வீசிவிட்டு சென்றுள்ளது. சுயநினைவு திரும்பிய பிறகு, சிறுமி வீட்டிற்கு வந்து தனக்கு நேர்ந்த கொடுமையை பெற்றோரிடம் கூறினார். 

கைது:

இதனை அடுத்து, பாதிக்கப்பட்ட சிறுமியின் பெற்றோர் காவல் நிலையத்தில் புகார் அளித்தனர். புகாரின்பேரில் வழக்குப்பதிவு செய்த போலீசார் தீவிரமாக விசாரணை மேற்கொண்டு வந்தனர். மேலும், அங்கிருந்த சிசிடிவி கேமராக்களையும் ஆய்வு செய்தனர். செப்டம்பர் 9ஆம் தேதி இந்த சம்பவம் நடந்த நிலையில், நேற்று போலீசார் குற்றம் சாட்டப்பட்ட 3 பேரை போலீசார் கைது செய்தனர். இவர்களிடம் நடத்திய விசாரணையில், சிறுமியை பாலியல் வன்கொடுமை செய்ததை ஒப்புக்கொண்டனர். இதனை அடுத்து, 3 பேரையும்  போலீசார் சிறையில் அடைந்துள்ளதாக தெரிகிறது.

தொடரும் கொடூரங்கள்:

பெண்களுக்கு எதிரான வன்முறை சம்பவங்கள் தொடர்ந்து அதிகரித்து வருகிறது. இந்தியாவில் மட்டுமின்றி உலக நாடுகள் முழுவதும் இந்த கொடூரம் அரங்கேறி வருகிறது. ஷ்ரத்தா கொலை வழக்கு நாம் எப்படிப்பட்ட சமூகத்தில் இருக்கிறோம் என்பதை வெளிச்சம் போட்டு காட்டியது. ஷர்த்தா கொலை வழக்கின் அதிர்ச்சி அடங்குவதற்குள்ளேயே உத்தரப் பிரதேசத்திலும் மேற்குவங்கத்திலும் அதே போன்ற கொலை கொடூரம் சம்பவங்கள் அரங்கேறின. அதனை தொடர்ந்து, தற்போது உத்தர பிரதேசத்தில் 16 வயது சிறுமி கூட்டு பாலியல் வன்கொடுமை செய்யப்பட்ட சம்பவம் அம்மாநிலத்தில் பெரும் அதிர்ச்சியை ஏற்படுத்தியுள்ளது.

---

மேலும் படிக்க