EPFO PF Interest: 2023-24 நிதியாண்டிற்கான EPFO வட்டி எப்போது கிரெடிட் ஆகும்? உங்களது பேலன்ஸை அறிந்துகொள்வது எப்படி?

EPFO interest: கடந்த 2023-24 நிதியாண்டிற்கான EPFO வட்டி எப்போது உங்களது கணக்கில் கிரெட் ஆகும் என்பதை இந்த தொகுப்பில் அறியலாம்.

EPFO interest: EPFO கணக்கில் கையிருப்பைக் குறித்து பயனாளர்கள் எப்படி எல்லாம் அறிந்து கொள்ளலாம் என்பது இந்த தொகுப்பில் விவரிக்கப்பட்டுள்ளது.

EPFO வட்டி விகிதம்:

பணியாளர் வருங்கால வைப்பு நிதி அமைப்பு (EPFO) ஒவ்வொரு ஆண்டும் வருங்கால வைப்பு நிதிக்கான வட்டி விகிதத்தை தீர்மானிக்கிறது. பிப்ரவரி 2024 இல், ஊழியர்களின் வருங்கால வைப்பு நிதி அமைப்பு 2023-24 நிதியாண்டிற்கான வட்டி விகிதத்தை கடந்த ஆண்டை விட (8.15 சதவீதம்) 8.25 சதவீதமாக அதிகரித்துள்ளது. இப்போது EPF உறுப்பினர்களின் கேள்வி என்னவென்றால், 2023-24 நிதியாண்டிற்கான EPF வட்டி எப்போது அவர்களின் கணக்கில் வரவு வைக்கப்படும்? என்பதுதான்.

வட்டி எப்போது செலுத்தப்படும்?

வட்டி வரவு வைக்கப்படும்போது, ​​​​எந்த உறுப்பினருக்கும் எந்த வட்டி இழப்பும் ஏற்படாமல் இருப்பதை உறுதிசெய்ய, முழுத் தொகையும் கணக்கில் வரவு வைக்கப்படும். ஒரு அறிக்கையின்படி, 2022-23 நிதியாண்டிற்கான உறுப்பினர்களின் கணக்கில் 28.17 கோடி ரூபாய் மதிப்புள்ள வட்டி, மார்ச் 2024 வரை டெபாசிட் செய்யப்பட்டுள்ளது. இதைதொடர்ந்து, 2023-24 நிதியாண்டிற்கான வட்டி தொகை விரைவிலேயே பயனாளர்களின் கணக்கில் வரவு வைக்கப்படும்.

EPF இருப்பை எவ்வாறு சரிபார்க்கலாம்? 

ஈபிஎஃப் பயனாளர்கள் தங்களது கணக்கின் இருப்புத் தொகையை நான்கு வழிகளில் அறிந்து கொள்ளலாம்.

UMANG செயலி:

• உமாங் செயலியை உங்கள் போனில் டவுன்லோட் செய்து இன்ஸ்டால் செய்யுங்கள்


• அதன் பிறகு, உங்கள் மொபைல் எண்ணை உள்ளிட்டு பதிவு செய்யுங்கள்


• முன் கொடுக்கப்பட்ட விருப்பங்களிலிருந்து EPFO ​​ஐத் தேர்ந்தெடுக்கவும்


• இப்போது View Passbook விருப்பத்தை தேர்வு செய்யவும்


• இப்போது உங்கள் கணக்கு எண்ணை (UAN) உள்ளிட்டு OTP ஐக் கோரவும்.


• OTP ஐ பதிவிட்டு, பாஸ்புக் மற்றும் இருப்பைக் காண லாக் -இன் என்பதைக் கிளிக் செய்யவும்.

EPFO போர்டல்:

• முதலில் EPFO ​​இன் அதிகாரப்பூர்வ இணையதளத்திற்குச் சென்று பின்னர் பணியாளர் பிரிவுக்குச் செல்லவும்.


• இதன் பிறகு உறுப்பினர் பாஸ்புக் விருப்பத்தை கிளிக் செய்யவும்.


• UAN மற்றும் கடவுச்சொல்லை பதிவிட்டு உங்கள் பாஸ்புக்கை அணுகி இருப்பை சரிபார்க்கவும்.

மிஸ்ட் கால்:

பதிவுசெய்யப்பட்ட UAN வைத்திருப்பவர்கள் 011-22901406 என்ற எண்ணிற்கு மிஸ்ட் கால் கொடுக்கலாம். இதற்குப் பிறகு, உங்களுக்கு ஒரு SMS வரும், அதில் உங்களின் சமீபத்திய EPF விவரங்கள் இருப்பு இருக்கும்.

SMS:

உங்கள் EPF இருப்பை SMS மூலம் அறிய, 7738299899 என்ற எண்ணில் 'EPFOHO UAN ENG' என குறுஞ்செய்தி அனுப்பவும். மற்ற மொழிகளில் இருப்புத் தொகையை அறிய, ENG க்கு பதிலாக உங்கள் மொழியின் முதல் மூன்று எழுத்துக்களை பதிவிடுங்கள். தமிழுக்கு TAM 2 என பதிவிடவும்.