ஹெச்.சி. எல் டெக் சனிக்கிழமையன்று மெக்சிகோவில் தனது செயல்பாடுகளை விரிவுபடுத்தும் திட்டத்தின் ஒரு பகுதியாக குவாடலஜாரா நகரில் புதிய தொழில்நுட்ப மையத்தைத் திறந்து வைத்தது. அடுத்த இரண்டு ஆண்டுகளில் 1300 பேரை  பணியமர்த்த இருப்பதாகவும் தெரிவித்துள்ளது.

அதிக தேய்வு விகிதங்கள் பற்றிய கவலைகளுக்கு பதிலளிக்கும் விதமாக இது இருக்கிறது. மேலும் தொழில்கள் முழுவதும் அதன் உள்நாட்டு மற்றும் சர்வதேச வாடிக்கையாளர் தளத்திற்கு சேவை செய்ய முடியும். என்றும்  இது மெக்சிகோவின் ஆறாவது தொழில்நுட்ப மையமாக இருக்கும் மற்றும் அதிநவீன டிஜிட்டல் தயாரிப்புகளை மேம்படுத்துவதே அதன் முக்கிய குறிக்கோளாக இருக்கும் என நிறுவனத்தின் செய்திக்குறிப்பில் தெரிவிக்கப்பட்டுள்ளது.

 

எச்.சி.எல்.டெக் சிறந்த இந்திய நிறுவனங்களில் ஒன்றாகும். FY23 இன் முதல் காலாண்டில் 21.9 முதல் 23.8% வரை தேய்வு விகிதம் அதிகரித்ததால், HCLTech இன் சேவைப் பிரிவின் லாப வரம்புகள் மீது அழுத்தத்தை ஏற்படுத்தியது. Q1FY23 க்கான முடிவுகள் குறித்து நிறுவனம் கூறுகையில்  ​​"வரவிருக்கும் மாதங்களில் தேய்மான விகிதம் அதிகமாக இருக்கும்"  என்றது . இதனை தடுக்க பிரேசில், மெக்சிகோ, வியட்நாம், இலங்கை மற்றும் ருமேனியா ஆகிய நாடுகளில்  ஊழியர்கள் அதிகமாக பணியமர்த்தப்படுவதால் வணிகம் விரைவுபடுத்தப்படும் என ஹெச்.சி.எல் டெக் நம்பிக்கை தெரிவித்துள்ளது.

மெக்சிகோவில் நடைப்பெற்ற நிகழ்ச்சியில் பேசிய  மெரிக்காவின் பெருநிறுவன துணைத் தலைவர் மற்றும் மெக்சிகோவின் எக்ஸிகியூட்டிவ் ஸ்பான்சர், HCLTech அஜய் பால் கூறுகையில் “ மெக்சிகோவில் விரிவடைவதற்கு நாங்கள் உறுதிபூண்டுள்ளதால், எங்கள் வாடிக்கையாளர்கள் மற்றும் கூட்டாளர்களுடன் வலுவான கூட்டாண்மைகளைப் பெறுவதற்கு நாங்கள் மிகவும் அதிர்ஷ்டசாலிகள். உள்ளூர் சுற்றுச்சூழலுடன் கூடிய இந்த வலுவான நெட்வொர்க் - அதிநவீன டெலிவரி மையங்களில் எங்கள் முதலீடுகள் மற்றும் திறமையான பணியாளர்களுடன் எங்கள் தொழில்முன்னேற்றத்திற்கு சூப்பர் சார்ஜ் செய்ய இது அனுமதிக்கிறது “ என்றார்.

ஐடி நிறுவனம் பிரேசிலில் விரிவாக்கத்திற்கான திட்டங்களை வெளிப்படுத்திய சில நாட்களுக்குப் பிறகு இந்த அறிவிப்பு வந்துள்ளது. அமெரிக்கா போன்ற முக்கிய சந்தைகளை குறிவைத்து  HCL தற்போது செயல்பட துவங்கியுள்ளது.  எச்.சி.எல்.டெக்கிற்கு மெக்ஸிகோ சிட்டி மற்றும் மான்டேரியிலும் அலுவலகங்கள் உள்ளன. சமீபத்தில், வணிக ஆலோசனை நிறுவனமான நியோரிஸ் மற்றும் பெரிய சர்வதேச கட்டுமானப் பொருட்கள் நிறுவனமான செமெக்ஸ் ஆகியவற்றுடன் ஒருங்கிணைந்த தகவல் தொழில்நுட்ப சேவைகளுக்கான கூட்டாண்மைகளை வணிகம் குறித்து அறிவித்திருந்தது குறிப்பிடத்தக்கது.