Just In
Gold Rate Reduced: ஒரே நாளில் அதிரடியாக குறைந்த தங்கம் விலை... பொதுமக்கள் ஆறுதல்...
Gold Rate Reduced: சென்னையில் ஆபரணத் தங்கத்தின் விலை மக்களை கலக்கத்தில் ஆழ்த்திவந்த நிலையில், இன்று ஒரே நாளில் அதிரடியாக குறைந்து சற்று ஆறுதலை ஏற்படுத்தியுள்ளது.
சென்னையில் ஆபரணத் தங்கத்தின் விலை தொடர்ந்து உயர்வை சந்தித்து புதிய உச்சத்தை தொட்டது. இந்த நிலையில், இன்று(12.02.25) ஒரே நாளில் அதிரடியாக விலை குறைந்து பொதுமக்களுக்கு சற்று ஆறுதலை ஏற்படுத்தியுள்ளது.
மக்களை கலக்கத்தில் ஆழ்த்திய தங்கத்தின் விலை
ஆண்டின் தொடக்கத்திலிருந்தே தங்கத்தின் விலை தொடர்ந்து உயர்ந்துவந்த நிலையில், நேற்று வரலாறு காணாத புதிய உச்சத்தை தொட்டது. இதனால் பொதுமக்கள் பெரியதும் கலக்கமடைந்தனர். இப்படியே சென்றால், தங்கத்தின் விலை எங்கு போய் நிற்குமோ என்ற பயமும் அவர்களுக்கு ஏற்பட்டது. இப்படிப்பட்ட சூழ்நிலையில், சென்னையில் இன்று ஆபரணத் தங்கத்தின் விலை அதிரடியாக குறைந்தது.
கிராமிற்கு ரூ.120-ம், சவரனுக்கு ரூ.960-ம் குறைந்த தங்கம் விலை
சென்னையில் ஆபரணத் தங்கத்தின் விலை இன்று சவரனுக்கு 960 ரூபாய் குறைந்துள்ளது. அதன்படி, ஒரு கிராம் தங்கத்தின் விலை 120 ரூபாய் குறைந்து கிராம் 7,940 ரூபாய்க்கு விற்பனையாகிறது. ஒரு சவரன் தங்கம் விலை 960 ரூபாய் குறைந்து சவரன் 63,520 ரூபாய்க்கு விற்பனை செய்யப்படுகிறது.
ஸ்டெடியாக போகும் வெள்ளியின் விலை
இந்த நிலையில், வெள்ளி தொடர்ந்து ஒரே விலையில் நீடித்து வருகிறது. அதன்படி, ஒரு கிராம் வெள்ளியின் விலை 107 ரூபாயாகவும், ஒரு கிலோ பார் வெள்ளியின் விலை 1 லட்சத்து 7 ஆயிரம் ரூபாய்க்கும் விற்பனை செய்யப்படுகிறது.
தங்கத்தின் விலை இன்று ஒரே நாளில் அதிரடியாக குறைந்ததால், பொதுமக்களுக்கு சற்று ஆறுதல் ஏற்பட்டுள்ளது. தொடர்ந்து ஏறியதுபோல், தொடர்ந்து குறைந்தால் நன்றாக இருக்கும் என்று பொதுமக்கள் கருதுகின்றனர்.