தொடர்ந்து குறையும் தங்கம் விலை
தங்கத்தின் விலையானது நாளுக்கு நாள் அதிகரித்து வந்ததால் நகைப்பிரியர்கள் அதிர்ச்சி அடைந்தனர். கடந்த ஜனவரி மாதம் இறுதியில் ஒரு சவரன் 1.34 லட்சத்திற்கு விற்பனையானது. இதனால் நடுத்தர வர்க்க மக்களால் தங்க நகைகளை வாங்க முடியாத நிலைக்கு தள்ளப்பட்டனர். இதனால் எப்போது தங்கம் விலை குறையும் என காத்திருந்த மக்களுக்கு தற்போது ஜாக்பாட் அடித்ததுள்ளது. ஈரான்- இஸ்ரேல் போர் காரணமாக தங்கம் விலை அதிகரிக்கும் என எதிர்பார்க்கப்பட்ட நிலையில், யாரும் எதிர்பார்க்காத வகையில் தங்கம் விலையானது சரிந்து வருகிறது. கடந்த 10 நாட்களில் மட்டும் சுமார் 20 ஆயிரம் ரூபாய் அளவிற்கு தங்கம் விலை குறைந்துள்ளது. இதனால் நகைக்கடைகளில் பொதுமக்களின் கூட்டம் அதிகரித்து காணப்படுகிறது.
தங்கம் விலை குறைய காரணம் என்ன.?
ஈரான் -இஸ்ரேல் போர் காரணமாக முதலீட்டாளர்கள் தங்கத்தில் முதலீடு மேற்கொள்ளாமல் கச்சா எண்ணெய் மீது அதிகளவில் முதலீடு செய்து வருவதால் தங்கம் விலையானது சரிந்துள்ளதாக கூறப்படுகிறது. எனவே போரின் காரணமாக இன்னும் சில நாட்களுக்கு தங்கத்தின் விலையானது சரிய வாய்ப்பு இருப்பதாக நகை வியாபாரிகள் தெரிவித்துள்ளனர்.
தங்கம் விலை நிலவரம்
- பிப்ரவரி 16 - சவரனுக்கு 400 ரூபாய் குறைந்து 1,17,680 ரூபாய்க்கும் விற்பனை.
- பிப்ரவரி 17- சவரனுக்கு 480 ரூபாய் குறைந்து 1,17,200 ரூபாய்க்கு விற்பனை.
- பிப்ரவரி 18- சவரனுக்கு 640 ரூபாய் குறைந்து 1,16,560 ரூபாய்க்கு விற்பனை.
- பிப்ரவரி 19- சவரனுக்கு 2160 ரூபாய் குறைந்து 1,14,400 ரூபாய்க்கு விற்பனை. மாலையிலும் சவரனுக்கு 3200 ரூபாய் குறைந்து 1,11,200 ரூபாய்க்கு விற்பனை.
- பிப்ரவரி 20- சவரனுக்கு 400 ரூபாய் உயர்ந்து 1,11,600 ரூபாய்க்கு விற்பனை.
- பிப்ரவரி 21- ஒரு சவரன் 2640 ரூபாய் குறைந்து 1,08,960 ரூபாய்க்கு விற்பனை.
- பிப்ரவரி 22- சவரன் ஒன்றுக்கு 5,360 ரூபாய் குறைந்து 1,03,600 ரூபாய்க்கு விற்பனை
மாலையிலும் குறைந்த தங்கம் விலை
தங்கத்தின் விலையானது காலையில் சவரனுக்கு 5,360 ரூபாய் குறைந்த நிலையில், மாலையிலும் தங்கம் விலையானது சரிந்தது. அந்த வகையில் இன்று ஒரே நாளில் 7,600 ரூபாய் அளவிற்கு சரிந்து நகைப்பிரியர்களுக்கு மகிழ்ச்சியை கொடுத்துள்ளது. மொத்தமாக இன்று ஒரே நாளில் கிராமுக்கு 950 ரூபாய் குறைந்து 12,670 ரூபாய்க்கும், சவரனுக்கு 7,600 ரூபாய் குறைந்து 1,01,360 ரூபாய்க்கு விற்பனையாகிறது.