Gas Cylinder Price: சென்னையில் வணிக சிலிண்டரின் விலையை உயர்த்தி எண்ணெய் நிறுவனங்கள் அறிவித்துள்ளன.


வணிக சிலிண்டர் விலை உயர்வு:


அதன்படி, வணிக சிலிண்டரின் விலை, 7.50 ரூபாய் உயர்த்தப்பட்டுள்ளது இதன் மூலம், 19 கிலோ எடை கொண்ட வணிக சிலிண்டர் தற்போது ஆயிரத்து 817 ரூபாய்க்கு விற்பனை செய்யப்படுகிறது. நேற்று வர இந்த வணிக சிலிண்டர் 1809.50 ரூபாய்க்கு விற்பனை செய்யப்பட்டு வந்தது குறிப்பிடத்தகக்து. அதேநேரம், வீட்டு பயன்பாட்டிற்கான சிலிண்டர்  விலை மாற்றமின்றி, 818.50 ரூபாயாகா தொடர்கிறது.


4 மாதங்களுக்கு பிறகு உயர்ந்த விலை:



  • கடந்த ஏப்ரல் மாதம் 1ம் தேதி வணிக சிலிண்டர் விலை ரூ.30.50 குறைக்கப்பட்டு, சென்னையில் 19 கிலோ எடை கொண்ட வணிக சிலிண்டர் விலை ரூ.1,930.50 என நிர்ணயம் செய்யப்பட்டது

  • கடந்த மே மாதம் 1ம் தேதி வணிக பயன்பாட்டுக்கான சிலிண்டர் விலை ரூ.19 குறைக்கப்பட்டு, ரூ.1,911.50 ஆக குறைக்கப்பட்டது.

  • கடந்த ஜுன் மாதம் 1ம் தேதி வணிக பயன்பாட்டுக்கான சிலிண்டர் விலை ரூ.72 குறைக்கப்பட்டு, ரூ.ரூ.1,840.50 நிர்ணயிக்கப்பட்டது

  • ஜுலை மாதம் 1ம் தேதி வணிக சிலிண்டரின் விலை 31 ரூபாய் குறைக்கப்பட்டது


கடந்த 4 மாதங்களாக வணிக சிலிண்டரின் விலை தொடர்ந்து குறைந்து வந்த நிலையில், தற்போது உயர்த்தப்பட்டுள்ளது. முன்னதாக கடந்த மார்ச் மாதம் வணிக சிலிண்டரின் விலை ரூ.23.50 காசுகள் உயர்த்தப்பட்டு ரூ.1,960 ஆக விற்பனை செய்யப்பட்டது குறிப்பிடத்தக்கது.


விலை நிர்ணயம்:


ஒவ்வொரு மாதமும் சந்தை விலை நிலவரங்களுக்கு ஏற்ப வீட்டு உபயோக சிலிண்டர் மற்றும் வணிக சிலிண்டர் விலையானது மாற்றம் செய்யப்படுவது வழக்கம். அந்த வகையில் பிரதி மாதம் 1ம் தேதி வணிக மற்றும் வீட்டு பயன்பாட்டிற்கான கேஸ் சிலிண்டர் விலையும் மாற்றி அமைக்கப்படுகிறது. பெட்ரோல் மற்றும் டீசல் போன்ற எரிபொருட்களின் விலை தினசரி மாற்றியமைக்கப்படுகிறது. அந்தவகையில் சென்னையில் தொடர்ந்து 107-வது நாளாக பெட்ரோல் மற்றும் டீசல் விலையில் எந்த மாற்றமுமின்றி விற்பனை செய்யப்பட்டு வருகிறது. ஒரு லிட்டர் பெட்ரோல் ரூ.100.75-க்கும், டீசல் ரூ.92.34-க்கும் விற்கப்படுகிறது.