இந்தியாவில் கடந்த ஆண்டைக்காட்டிலும் 261 சதவீத வளர்ச்சிப்பெற்று இந்தியாவில் 2 பது பணக்காரர் ஆனார் கவுதம் அதானி. நாளொன்றுக்கு 1000 கோடி ரூபாய் வருமானம் ஈட்டுவதாக ஐஐஎஃப்எல் நிறுவனம் கூறியுள்ளது.
ஐஐஎஃப்எல் நிறுவனம் 2021 ஆம் ஆண்டிற்கான இந்திய கோடீஸ்வரர்களின் பட்டியலை வெளியிட்டுள்ளது. இதில் இந்தியாவின் மிகப்பெரிய ரிலையன்ஸ் குழுமமான முகேஷ் அம்பானியின் குடும்பத்தினர் வழக்கம் போல முதல் இடத்தைப்பெற்றுள்ளார். சென்ற ஆண்டு நான்காவது இடத்தில் இருந்த கவுதம் அதானி அசுர வளர்ச்சிப்பெற்று இந்தாண்டு இரண்டாவது இடத்தைப்பெற்றுள்ளார். இதில் கவனிக்க வேண்டிய விஷயம் என்ன வென்றால் கடந்த ஆண்டைக்காட்டிலும் முகேஷ் அம்பானியின் சொத்து மதிப்பு 9 சதவீதம் மட்டுமே உயர்ந்துள்ளது. ஆனால் அதானி அசுர வளர்ச்சிப்பெற்றுள்ளார் என ஆய்வுகள் கூறுகின்றனர். எனவே மற்ற இடத்தில் யார் இடம்பெற்றுள்ளார்கள்? இவர்களின் சொத்து மதிப்பு என்ன? என்பது குறித்து இங்கே தெரிந்துக்கொள்வோம்.
முகேஷ் அம்பானி : இந்தியாவின் மிகப்பெரிய ரிலையன்ஸ் குழுமத்தின் தலைவர் முகேஷ் அம்பானியின் சொத்து 7,18,000 கோடி ரூபாயாக அதிகரித்துள்ளது. இதனால் எப்போதும் போல முகேஷ் அம்பானியின் குடும்பமே இந்தியப்பணக்காரர் பட்டியலில் முதல் இடத்தைப்பிடித்துள்ளார். இவர்களது தினசரி வருமானம் 163 கோடியாக உள்ளது.
கவுதம் அதானி : இந்தியாவில் இரண்டாவது பணக்காரராக உள்ளார்.கவுதம் அதானி. இவரின் சொத்து மதிப்பு கடந்த ஆண்டில் 1,40,200 கோடி ரூபாயாக இருந்த நிலையில் தற்போது 5,05,900 கோடி ரூபாயாக அதிகரித்துள்ளது . தற்போது இவரின் சொத்து மதிப்பு 261 சதவீதமாக உயர்ந்துள்ளது. நாள் ஒன்றுக்கு 1000 கோடி வருமானம் ஈட்டிவருகின்றனர்.
ஷிவ் நாடார் : இந்தியாவில் பணக்காரர் பட்டியலில் 3 வது இடத்தில் உள்ளார் ஷிவ் நாடார் மற்றும் குடும்பத்தினர். இவர்களுடைய சொத்து மதிப்பு 76 சதவீதம் அதிகரித்து 2,36,600 கோடி ரூபாயா உள்ளது. தினமும் 260 கோடி வருமானம் ஈட்டிவருகின்றனர்.
ஹிந்துஜா குழுமம்: லண்டனைத் தளமாக்கொண்ட ஹிந்துஜா குழுமத்தின் தலைவர் எஸ் பி ஹிந்துஜா மற்றும் அவர்களது குடும்பத்தினர் 4 ஆம் இடத்தில் உள்ளனர். இவர்களின் சொத்து மதிப்பு 2,20,000 கோடியாக உள்ளது. சென்ற ஆண்டைக்காட்டிலும் 53 சதவீத சொத்து உயர்ந்துள்ளது. இவர்களின் நாள் வருமானம் 209 கோடி ரூபாயாகும்.
மேலும் இந்தியாவில் டாப் பணக்காரர் பட்டியலில் 5 வது இடத்தில் பிரபர தொழிலதிபரான மிட்டல் குழுமம் மற்றும் குடும்பத்தினர் உள்ளது. இவர்களின் சொத்து சென்ற ஆண்டைக்காட்டிலும் 187 சதவீதம் அதிகரித்து 1,74,400 கோடியாக உயர்ந்துள்ளது. ஆறாவது இடத்தில் இந்தியாவில் தடுப்பூசி தயாரிப்பில் ஈடுபட்டு வரும் சீரம் நிறுவனத்தின் சைரஸ் பூனவல்லா உள்ளார். இதேப்போன்று ஏழாவது இடத்தில் சூப்பர் மார்டஸ் நிறுவனத்தின் ராதாகிருஷன்ண் அதானியின் சகோதரர் வினோத் , 8 வது இடத்தில் கவுதத்தைப்பிடித்துள்ளார். மேலும் 9 வது இடத்தில் ஆதித்யா பிர்லா குடும்பத்தின் தலைவர் குமார் மங்கலம் மற்றும் 10 வது இடத்தில் ஜெய் சவுத்ரி இடம் பெற்றுள்ளார்.