August Car Launch: கார் பிரியர்களே தயாரா..! தார் ராக்ஸ் டூ டாடா கர்வ் - ஆகஸ்ட் மாதம் வெளியாக உள்ள 8 கார் மாடல்கள்..!

August Car Launch: இந்திய ஆட்டோமொபைல் சந்தையில் ஆகஸ்ட் மாதம் அறிமுகமாக உள்ள கார்களின் விவரங்களை இந்த தொகுப்பில் அறியலாம்.

August Car Launch: இந்திய ஆட்டோமொபைல் சந்தையில் மஹிந்திராவின் தார் ராக்ஸ் உட்பட, 8 கார்கள் ஆகஸ்ட் மாதம் அறிமுகமாக உள்ளன.

நிசான் எக்ஸ்- டிரெயில்:

நிசான் மோட்டார் நிறுவனம் கிட்டத்தட்ட 10 ஆண்டுகளுக்குப் பிறகு, எக்ஸ்-டிரெயில் எஸ்யூவியை மீண்டும் இந்திய சந்தைக்கு கொண்டு வருகிறது. ஜப்பானிய ஆட்டோ நிறுவனமான நியூஜென் X-Trail இன் விலை ஆகஸ்ட் 1 ஆம் தேதி அறிவிக்கப்பட உள்ள சூழலில், SUVக்கான முன்பதிவுகள் ஏற்கனவே தொடங்கப்பட்டன. நிசான் இந்த மாத தொடக்கத்தில் 1.5 லிட்டர் பெட்ரோல் இன்ஜினுடன் SUV ஐ வெளியிடுகிறது. இது டொயோட்டா ஃபார்ச்சூனர் . எம்ஜி குளோஸ்டர், ஸ்கோடா கோடியாக் போன்றவற்றிற்கு போட்டியாக இந்திய சந்தையில் களமிறங்குகிறது.

சிட்ரோயன் பசால்ட்:

பிரெஞ்சு ஆட்டோமொபைல் நிறுவனமானது பாசால்ட் கூபே கார் மாடலை, ஆகஸ்ட் 2 ஆம் தேதி அறிமுகப்படுத்த உள்ளது. முன்னதாக Citroen ஆல் பகிரப்பட்ட படங்கள் இணையத்தில் வைரலாகியுள்ளது. C3 Aircross SUV அடிப்படையில், Basalt ஆனது 1.2 லிட்டர் மூன்று சிலிண்டர் டர்போ பெட்ரோல் இன்ஜினுடன் வர வாய்ப்புள்ளது. அது 109 bhp மற்றும் 205 Nm வரை உச்ச முறுக்குவிசை வழங்க உகந்ததாக உள்ளது.

டாடா கர்வ்:

டாடா மோட்டார்ஸ் அதன் போட்டியாளரான சிட்ரோயன் பாசால்ட் வெளியிடப்பட்ட ஐந்து நாட்களுக்குப் பிறகு, ஆகஸ்ட் 7 ஆம் தேதி இந்தியாவில் Curvv SUV ஐ அதிகாரப்பூர்வமாக அறிமுகப்படுத்துகிறது. அந்நிறுவனத்தின் சிறந்த விற்பனையான மாடல்களில் ஒன்றான நெக்ஸானுக்கு மேலே, புதிய மாடல் நிலைநிறுத்தப்படும் என்று எதிர்பார்க்கப்படுகிறது. இதன் ICE  எடிஷனானது, 1.2 லிட்டர் டர்போ பெட்ரோல் இன்ஜினுடனும்,  1.5 லிட்டர் டர்போ- டீசல் யூனிட்டுடன் வழங்கப்படும். இது ஹூண்டாய் க்ரெட்டா மற்றும் மாருதி சுஸுகி கிராண்ட் விட்டாரா போன்ற காம்பாக்ட் SUV மாடல்களுக்கு போட்டியாக இருக்கும்.

டாடா கர்வ்வ் EV:

டாடா மோட்டார்ஸ் கர்வ்வ் எஸ்யூவியின் அறிமுக நாளிலேயே, அதன் மின்சார எடிஷன் தொடர்பான அறிவிப்பும் வெளியாகலாம். Tiago EV, Tigor EV, Punch EV மற்றும் Nexon EV க்கு பிறகு டாடாவின் வரிசையில் ஐந்தாவது மின்சார காராக Curvv EV இருக்கும் .Curvv EV ஆனது 50 kWh வரை திறன் கொண்ட இரண்டு பேட்டரி பேக்குகளுடன் வரும் என்று எதிர்பார்க்கப்படுகிறது. ஒரே சார்ஜில் 500 கிமீ தூரம் வரை செல்லக்கூடிய நிலையான மற்றும் நீண்ட தூர பயணத்திற்கான எடிஷன்களுடன் இது வழங்கப்படும் என்று எதிர்பார்க்கப்படுகிறது. 

மெர்சிடிஸ் ஏஎம்ஜி ஜிஎல்சி 43 கூபே:

Mercedes-Benz ஆனது GLC SUV யின் AMG கூபே எடிஷனை ஆகஸ்ட் 8 ஆம் தேதி இந்தியாவில் அறிமுகப்படுத்த உள்ளது. இது 2.0-லிட்டர் நான்கு சிலிண்டர் டர்போசார்ஜ் செய்யப்பட்ட யூனிட் மூலம் இயக்கப்படும் என்றும், மைல்ட்-ஹைப்ரிட் தொழில்நுட்பத்தையும் வழங்கும் என எதிர்பார்க்கப்படுகிறது. இந்த எஞ்சின் 415 பிஎச்பி பவரையும், 500 என்எம் டார்க் திறனையும் வெளிப்படுத்தும் திறன் கொண்டது.

மெர்சிடிஸ் CLE கேப்ரியோலெட்:

அதே நாளில், Mercedes ஆனது C-Class Cabriolet ஐ அதன் வரிசையில் புதிய CLE கன்வெர்ட்டிபிளாக அறிமுகப்படுத்த உள்ளது.  அதன்படி, CLE கேப்ரியோலெட் மைல்ட்- ஹைப்ரிட் தொழில்நுட்பத்துடன் 2.0 லிட்டர் நான்கு சிலிண்டர் இன்ஜின் மற்றும் 375 பிஎச்பி பவரையும். 500 என்எம் பீக் பவரையும் உருவாக்கும் திறன் கொண்ட 3.0 லிட்டர் ஆறு சிலிண்டர் யூனிட் மூலமும் இயக்கப்படும் என்று எதிர்பார்க்கப்படுகிறது. 

லாம்போர்கினி உரஸ் SE

இத்தாலிய சொகுசு கார் தயாரிப்பு நிறுவனமான லம்போர்கினி, மிகவும் சக்திவாய்ந்த Urus SUVஐ ஆகஸ்ட் 9ம் தேதி இந்தியாவில் அறிமுகப்படுத்த உள்ளது. ஒரு ஹைப்ரிட் பவர்டிரெய்னுடன், 4.0-லிட்டர், இரட்டை-டர்போசார்ஜ் செய்யப்பட்ட V8 இன்ஜின் மூலம் இந்த கார் இயக்கப்படும். இன்ஜின் இப்போது 25.9kWh லித்தியம்-அயன் பேட்டரி பேக்கைப் பயன்படுத்தும் பிளக்-இன் ஹைப்ரிட் அமைப்பைப் பெறுகிறது. எஸ்யூவி 789 பிஎச்பி பவரையும், 950 என்எம் பீக் டார்க்கையும் உருவாக்கக்கூடியது. 0-100 கிமீ வேகத்தை வெறும் 3.4 வினாடிகளில் எட்டிவிடும் மற்றும் மணிக்கு 312 கிமீ வேகம் வரை செல்லும் மின்சாரம் மட்டும் பயன்முறையில், Urus SE ஆனது 60 கிமீ தூரத்திற்கு மேல் வரம்பை வழங்குகிறது.

மஹிந்திரா தார் ராக்ஸ்

மஹிந்திரா நிறுவனத்தின் அடையாளமாக உள்ள, தார் வாகனத்தின் 5 டோர் எடிஷனான ராக்ஸ் மாடலை வரும் 15ம் தேதி அறிமுகப்படுத்த உள்ளது. ஃபோர்ஸ் கூர்க்கா மற்றும் மாருதி ஜிம்னி எஸ்யூவிகளுக்கு போட்டியாக மஹிந்திரா புதிய 5 டோர் ராக்ஸ்ஸை களமிறக்குகிறது. அதன் புதிய அவதாரத்தில் பனோரமிக் சன்ரூஃப் உள்ளிட்ட பல அம்சங்களைக் கொண்டிருக்கும் என்று எதிர்பார்க்கப்படுகிறது.  ஹூட்டின் கீழ், மஹிந்திரா 2.2 லிட்டர் டீசல் மற்றும் 2.0 லிட்டர் பெட்ரோல் எஞ்சினில் இரண்டு தேர்வுகளை வழங்கலாம். 

Car loan Information: