பிரபல கார் தயாரிப்பு நிறுவனம் ரெனால்ட் (Renault) தனது மிகப் பிரபலமான SUV டஸ்டர் காரை புதிய ஹைபிரிட் வடிவில் அறிமுகப்படுத்தியுள்ளது. நிறுவனம் இதன் தொடக்க விலையால் ஆட்டோ மொபைல் சந்தையில் பேசுபொருளாக மாறியுள்ளது. பிற ஹைபிரிட் கார்களை விட மலிவாக இருப்பதோடு மைலேஜ் விஷயத்திலும் சிறந்ததாக கருதப்படுகிறது. புதிய Renault Duster Hybrid எக்ஸ் ஷோரூம் விலை ரூ.16.9 லட்சம் முதல் ரூ.19.4 லட்சம் வரை இருக்கும். ஆனால் ஆன் ரோடு விலை அதிகமாக இருக்கும் என்பதை கவனிக்க வேண்டும். இந்த சக்திவாய்ந்த SUV-யை வெறும் 21,000 டோக்கன் தொகை செலுத்தி முன்பதிவு செய்யலாம்.
டஸ்டர் ஹைபிரிட் காரில் அற்புதமான வேரியண்ட்கள்
ரெனால்ட் நிறுவனம் இந்த ஹைபிரிட் SUV-யை எவல்யூஷன் (Evolution), டெக்னோ (Techno), எமோஷன் (Emotion) என்ற 3 வெவ்வேறு வேரியண்ட்களில் சந்தைக்கு அறிமுகப்படுத்தியுள்ளது. ரெனால்ட் நிறுவனத்தின் ஹைபிரிட் கார் பேஸ் மாடல் எக்ஸ் ஷோரூம் விலை ரூ.16.9 லட்சம் ஆகும் நிலையில், சென்னையில் ஆன்-ரோடு விலை ரூ. 20.05 லட்சம் ஆக உள்ளது. இந்த சிறப்பு விலைகள் இந்த ஆண்டு டிசம்பர் 31க்குள் வாகனத்தை டெலிவரி பெறும் வாடிக்கையாளர்களுக்கு மட்டுமே பொருந்தும். அதன் பிறகு விலைகள் உயர வாய்ப்பு உள்ளது.
கியர்பாக்ஸ், இன்ஜின் புதிய தொழில்நுட்பம்
இந்த காரின் மிகப்பெரிய சிறப்பு மல்டி மோட் ஆட்டோமேட்டிக் கியர்பாக்ஸ் ஆகும். இது சாதாரண கியர்பாக்ஸ் அல்ல; இதில் 2 எலெக்ட்ரிக், 4 பெட்ரோல் கியர்கள் வழங்கப்பட்டுள்ளன. இந்த தொழில்நுட்பம் காரை இயக்க பியூர் எலெக்ட்ரிக், சீரிஸ் ஹைபிரிட், பாரலல் ஹைபிரிட், முழுமையான பெட்ரோல் மோடுகளுடன் சேர்த்து உங்களுக்கு 6 வெவ்வேறு மோடுகளை வழங்குகிறது. இதில் 1.8 லிட்டர் பெரிய பெட்ரோல் இன்ஜின் வழங்கப்பட்டுள்ளது. இது 2 எலெக்ட்ரிக் மோட்டார்கள், 1.4 kWh பேட்டரி பேக்குடன் இயங்குகிறது. இவை அனைத்தும் சேர்ந்து காருக்கு 160 bhp அளவிலான வலுவான காம்பைண்ட் பவரை வழங்குகிறது. வேகத்திலும் சிறந்தது. 9.1 விநாடிகளில் 0 முதல் 100 கிமீ/மணி வேகத்தை எட்டுகிறது.
உண்மையிலேயே 29 Kmpl மைலேஜ் தருமா?
Renault Duster Hybrid-ன் மிகப்பெரிய சிறப்பு 29 Kmpl மைலேஜ் என்று கூறப்படுகிறது. நகரில் ஓட்டும்போது இந்த கார் பெரும்பாலான நேரம் வெறும் எலெக்ட்ரிக் மோடிலேயே இயங்கும். அதனால் பெட்ரோல் சேமிக்கப்படுகிறது. ஒருமுறை இதன் டேங்கை முழுமையாக நிரப்பினால் இந்த காரில் 1400 கிலோமீட்டர் வரை செல்ல முடியும். ரியல் வர்ல்ட் மைலேஜ் விஷயத்தில், போக்குவரத்து நெரிசல், சாலைகளைப் பொறுத்து நிஜ வாழ்க்கையில் 29 மைலேஜ் கிடைப்பது கடினம். பொதுவாக ரியல் டைம் பயண சோதனையில் 20 kmpl+ க்கும் அதிகமான மைலேஜை எளிதாக தரும் என்று நிபுணர்கள் கூறுகின்றனர். இது SUV-யை பொருத்தவரை அதிகமே.
லுக், கேபின் உள்ளே என்ன மாறியது?
டிசைன் விஷயத்தில், ரெனால்ட் நிறுவனம் சில அற்புதமான மாற்றங்களை செய்துள்ளது. ஹைபிரிட் காரின் ஃப்ரண்ட் கிரில் நடுவில் இப்போது மின்னும் DUSTER லோகோ வழங்கப்பட்டுள்ளது. இரவு நேரத்தில் மிகவும் அழகாகத் தெரிகிறது. நல்ல ரைடிங்கிற்காக காரின் முன், பின் இரு பக்கங்களிலும் ஃப்ரீக்வென்சி டாம்பர்கள் வழங்கப்பட்டுள்ளன. பாதுகாப்புக்காக நான்கு சக்கரங்களுக்கும் டிஸ்க் பிரேக்குகள் கிடைக்கின்றன.
கார் கேபினை மிகவும் ப்ரீமியமாக செய்துள்ளனர். இதன் டாப் எமோஷன் (Emotion) வேரியண்டில் புதிய ட்யூன் பிரவுன் லெதரெட் சீட் அப்ஹோல்ஸ்டரி வழங்கப்பட்டுள்ளதுடன் முன் சீட்களுக்கு வென்டிலேஷன், 6 வே பவர் அட்ஜஸ்ட் வசதி கிடைக்கிறது. இதன் டெக்னோ (Techno) வேரியண்டில் டெசர்ட் பேஸ் செமி லெதரெட் அப்ஹோல்ஸ்டரியுடன் புதிய டிசைன் ஹெட்ரெஸ்ட் வழங்கப்பட்டுள்ளது. ஹைபிரிட் தொழில்நுட்பம் இருந்தாலும் இதன் கேபின் ஸ்பேஸ், பூட் ஸ்பேஸ்களில் ஸ்டாண்டர்ட் Duster-ஐ ஒப்பிடும்போது எதையும் குறைக்கவில்லை.
Car loan Information:
Calculate Car Loan EMI