முற்றிலும் புதிய i20, பழைய அல்லது தற்போதைய மாடலில் இருந்து பெரும் மாற்றங்களுடன் வேறுபடுகிறது. புதிய i20 ஒரு புதிய பிளாட்ஃபார்மை பெறுகிறது. மேலும், இது பழைய i20-ஐ விட மிகவும் பெரியதாக உள்ளது.
வடிவமைப்பில் பெரிய மாற்றம்
வடிவமைப்பைப் பொறுத்தவரையிலும், புதிய i20 மிகவும் நேர்த்தியான மற்றும் சதுர வடிவத் தோற்றத்தைக் கொண்டுள்ளது. இதன் முன்பக்கம் மிகவும் எளிமையாகவும், அதே சமயம் நேர்த்தியாகவும் உள்ளது. தற்போது இதில் ஒரு லைட் பார், மெல்லிய ஹெட்லைட்கள் மற்றும் சதுர வடிவ டெயில்லேம்ப்களுடன் கூடிய செங்குத்தான பின்பக்கம் ஆகியவை இடம்பெற்றுள்ளன.
பழைய i20-ஐ விட பெரியதாக இருப்பதால், இது மேலும் கம்பீரமாகத் தெரிகிறது. அத்துடன், இப்போது இது ஒரு உயர் ரகத்தை சேர்ந்த கார் போலவும் காட்சியளிக்கிறது.
முற்றிலும் மறுவடிவமைக்கப்பட்ட உட்புறம்
பழைய i20 உடன் ஒப்பிடும்போது, இதன் உட்புறமும் முற்றிலும் புதியது. இதில் ஒரு பெரிய டிஜிட்டல் இன்ஸ்ட்ரூமென்ட் கிளஸ்டர் மற்றும் டச்ஸ்கிரீன் இணைந்த டிஸ்ப்ளே உள்ளது. மேலும், அதன் கீழே முறையான பட்டன்களும் கொடுக்கப்பட்டுள்ளன.
அளவு பெரிதாக இருப்பதால், சக்கரங்களுக்கு இடையிலான தூரமும் அநேகமாக அதிகமாக இருக்கும். அதே சமயம், உள்ளே இருக்கும் இடமும் அதிகமாக இருக்கும்.
பழைய i20 உடன் ஒப்பிடுகையில், புதிய மாடல் பெரியதாகவும், தொழில்நுட்ப ரீதியாக மிகவும் மேம்பட்டதாகவும் உள்ளது. மேலும், இது அதிக தொழில்நுட்ப வசதிகளுடன் கூடிய முற்றிலும் புதிய கேபினைக் கொண்டிருப்பதுடன், புதிய தோற்றமுடைய ஸ்டீயரிங் வீல் போன்ற சில வடிவமைப்பு அம்சங்களையும், புதிய வென்யூவுடன் பகிர்ந்து கொள்கிறது.
உறுதியற்ற நிலையில் இருக்கும் இந்திய அறிமுகம்
புதிய i20 இந்தியாவிற்கு வருமா என்பதைப் பொறுத்திருந்துதான் பார்க்க வேண்டும். அதன் பெரிய அளவு மற்றும் உட்புற வடிவமைப்பு காரணமாக, இது வென்யூவை விட விலை அதிகமாக இருக்கலாம். அதே சமயம், ப்ரீமியம் ஹேட்ச்பேக் கார்களுக்கான தேவை குறைந்து வருவதும், புதிய i20 இங்கு வராததற்கு மற்றொரு காரணமாக அமையும்.
இருந்தாலும், தற்போது ஹூண்டாய் நிறுவனம் இந்தியாவில் அறிமுகம் செய்யவிருக்கும் பல மாடல்களைக் கொண்டுள்ளது. அதனால், ஐ 20 இங்கு வராமல் இருந்தாலும், அதற்கு இணையான வேறு ஒரு மாடலை ஹூண்டாய் கொண்டிருக்கும் என்று நம்பலாம்.
Car loan Information:
Calculate Car Loan EMI